तयार रहन महानिरीक्षकको निर्देशनः के विप्लवसँग भिड्दैछन् ?

काठमाडौं, २३ साउन । सशस्त्र प्रहरी बल मुख्यालयले देशभर रहेका सशस्त्र प्रहरीलाई जुनसुकै बेला सुरक्षा चुनौती आउन सक्ने भन्दै परिचालनका लागि तयारी अवस्थामा रहन निर्देशन दिएको छ।  सशस्त्र प्रहरी बलका महानिरीक्षक (आइजिपी) शैलेन्द्र खनालले बुधबार बाहिनीपतिहरूलाई सुरक्षा चुनौतीको सामना गर्न तयारी अवस्थामा रहन निर्देशन दिएका हुन्।  नेत्रविक्रम चन्दले नेतृत्व गरेको प्रतिबन्धित नेकपा (विप्लव समूह) को गतिविधि बढिरहेका बेला सशस्त्र प्रहरी महानिरीक्षक खनालको यस्तो निर्देशन आएको हो।  उनले यसअघि गणपति र गुल्मपतिहरूलाई पनि निर्देशन दिएका थिए।

‘मैले तल्लो तहमा सुरक्षाका गम्भीर विषयहरू भनेको छु।  जस्ताी निकासी नियन्त्रण, आर्थिक अनुशासनमा पारदर्शिता, मुलुक र संगठनको हितमा काम गर्नु भनें तर आज तपाईंहरू (बाहिनीपति) मार्फत भन्दै छु, त्यसदेखि बाहेक जुनसुकै बेला सुरक्षा चुनौती आउने सम्भावना बढेको छ, मातहत निकायलाई त्यसैअनुसार तयारी राख्नुस्,’ महानिरीक्षक खनालले भने।

‘आइजिपीसाबले बाहिनीपतिहरूलाई समसामयिक सुरक्षा चुनौतीबारे निर्देशन दिनुभएको छ।  उहाँले गृह मन्त्रालयको निर्देशन सुनाउनुभयो, सँगसँगै समसामयिक सुरक्षा अवस्थाबारे पनि निर्देशन दिनुभयो,’ सशस्त्रका प्रवक्ता सुरज श्रेष्ठले भने।  सो निर्देशन प्रतिबन्धित विप्लव समूहप्रति लक्षित हो कि होइन भन्ने नागरिकको प्रश्नमा श्रेष्ठले भने, ‘समसामयिक सुरक्षा चुनौती भनेपछि जो कोहीले बुझ्ने कुरा छ।

यसलाई थप व्याख्या गर्नुपर्दैन। ’ जनशक्ति, साधनस्रोत तयारी अवस्थामा राख्न निर्देशन भएको उनले बताए।  आइजिपी खनालले यसअघि गणपति र गुल्मपतिलाई निर्देशन दिँदा पहिरो र डुबान समस्या सामना गर्न साधन–स्रोतसहित तयार रहन निर्देशन दिएका थिए।  बुधबारको निर्देशन भने सुरक्षा चुनौतीमा केन्द्रित थियो।

केही दिनअघि गृह मन्त्रालयमा बसेको सुरक्षा प्रमुखहरूको बैठकमा विप्लव समूहको गतिविधि नियन्त्रणका लागि सशस्त्र प्रहरी परिचालन गर्नुपर्ने विषयमा छलफल भएको थियो।  सो समूहले देशभर २५ भन्दा बढी टेलिकम टावरमा बम विस्फोट गराएपछि गत शुक्रबार मन्त्रालयमा गृहमन्त्री रामबहादुर थापा, गृहसचिव प्रेमकुमार राई, शान्ति सुरक्षा महाशाखा प्रमुख रामकृष्ण सुवेदीसहित सुरक्षा निकायका प्रमुखहरूको बैठकमा विप्लव समूहप्रति कडा नीति अख्तियार गर्ने र सशस्त्र प्रहरीलाई नियमअनुसार परिचालन गर्ने विषयमा छलफल भएको हो।  हाल ७७ वटै जिल्लामा सशस्त्र प्रहरी कार्यालय स्थापना भइसकेको छ। (नागरिकबाट)

सेटिङमा जम्दै जुवा अखडा : श्रीमती कमाउने, श्रीमान् उडाउने

  काठमाडौँ ३२ साउन । ‘नखेल्नु है जुवा र तास, धनको नाश जीवनको बनीबास’ भन्ने गीत कुनै समय निकै चर्चित थियो । जुवाको लतले धनको नाशसँगै घरपरिवारको पनि

न्यायमा विलम्ब : सर्वोच्चमा १२ बजे इजलास

  काठमाडौं ३२ साउन । सर्वोच्च अदालतका न्यायाधीशहरु एक महिनादेखि मुद्दाको सुनुवाइ गर्न १२ बजे मात्र इजलासमा बस्छन् । प्रधानन्यायाधीशबाट पेसी सूची

लाल आयोगको ‘गोप्य’ प्रतिवेदन स् क्षेत्राधिकार नाघेर ’दरबार हत्याकाण्ड’ सम्मको व्याख्या

  काठमाडौँ  ३२ साउन । तराई–मधेस र थरुहट आन्दोलनका विषयमा जाँचबुझ गरी प्रतिवेदन पेस गर्न सर्वोच्च अदालतका पूर्वन्यायाधीश गिरीशचन्द्र लालको

चेकपोस्ट खण्ड अलपत्र, धुलो र खाल्डाले सास्ती

काठमाडौँ ३२ साउन । त्रिपुरेश्वर–कलंकी–नागढुंगा सडकअन्तर्गत थानकोटस्थित चेकपोस्ट चोकमा सडक निर्माणकोे काम अलपत्र छाडिएपछि स्थानीय धुलोबाट