पूर्वदेखि पश्चिमसम्म केही स्थानमा वर्षा हुने
काठमाडौँ । बाग्मती, गण्डकी र कर्णाली प्रदेशका केही ठाउँमा आज हल्का वर्षा भइरहेको छ । दिउँसो पनि मौसम बदली नै रहने मौसम पूर्वानुमान शाखाले जनाएको छ ।
कोशी, बाग्मती, गण्डकी, कर्णाली र सुदूरपश्चिम प्रदेशका केही ठाउँ तथा बाँकी मधेश र लुम्बिनी प्रदेशका थोरै ठाउँमा मेघ गर्जन र चट्याङसहित हल्कादेखि मध्यम वर्षाको सम्भावना छ । दिउँसो बाग्मती, गण्डकी, लुम्बिनी, कर्णाली र सुदूरपश्चिम प्रदेशका पहाडी एकदुई ठाउँमा ठूलो पानी पर्न सक्ने अनुमान छ ।
आज राति बाग्मती र कर्णाली प्रदेशका एकदुई ठाउँमा ठूलो पानी पर्न सक्ने मौसम पूर्वानुमान महाशाखाले जनाएको छ ।
प्रतिक्रिया