इनार सफा गर्ने क्रममा निसास्सिएर दुईजनाको मृत्यु
![इनार सफा गर्ने क्रममा निसास्सिएर दुईजनाको मृत्यु](https://www.saralpatrika.com/wp-content/uploads/2024/06/surkhet.jpg)
सुर्खेत । इनार सफा गर्ने क्रममा सुर्खेतको वीरेन्द्रनगरमा निसास्सिएर दुई जनाको मृत्यु भएको छ । वीरेन्द्रनगर नगरपालिका–११, पिपिरामा इनार सफा गर्न खटिएका दुई जनाको सोमबार मृत्यु भएको प्रहरीले जनाएको छ ।
मृत्यु हुनेमा वीरेन्द्रनगर–११ का ३२ वर्षीय विद्याप्रसाद रेग्मी र ३१ वर्षीया लक्ष्मी कँडेल रहेको जिल्ला प्रहरी कार्यालय सुर्खेतले जनाएको छ ।
स्थानीय तोरण विकको इनार सफा गर्ने क्रममा अक्सिजनको अभाव हुँदा बेहोस भएका उनीहरूको कर्णाली प्रदेश अस्पतालमा उपचारका क्रममा मृत्यु भएको थियो ।
प्रतिक्रिया