आजदेखि विश्वकप सुरु, उद्घाटन खेलमा रसिया र साउदी अरेबिया भिड्ने


काठमाडौं, ३१ जेठ । ४ वर्षको प्रतिक्षापछि फुटबलको महाकुम्भ विश्वकप २०१८ रसियाको राजधानी मस्कोमा आयोजना हुँदैछ । नेपाली समय अनुसार बिहिबार बेलुका ८ः१५ मा विश्वकपको उद्घाटन समारोह भइ ८ः४५ मा रसिया र साउदी अरबको खेल हुने कार्यक्रम छ ।

यस्तो हुँदैछ उद्घाटन

सामान्यतया विश्वकप उद्घाटन समारोहमा आयोजक राष्ट्रले विश्वसामु आफ्नो देशको संस्कार तथा भेषभुषाको प्रदर्शन गर्ने गरेका छन् ।

विश्वमै कहलिएका व्यक्तिलाई बोलाउने तथा परम्परागत नृत्य देखाउने कार्यक्रम पनि विश्वकप उद्घाटनको आकर्षण हो ।

बेलायतका पपस्टार रोबी विलियम र रसियाकी स्टार आइदा गारिफुल्लीनाले दर्शकलाई मनोरञ्जन प्रदान गर्ने तय भइसकेको छ ।

बेलायत र रसियाको सम्बन्ध राम्रो नभएपनि विश्वकपको उद्घाटनमा प्रस्तुती दिन पाएकोमा दंग पर्दै विलियम भन्छन्, ‘रसियामा यस्तो अनौठो प्रस्तुती दिन पाउँदा म एकदम खुशी छु । मैले आफ्नो करियरमा धेरै काम गरेको छु तर ८० हजार फुटबल फ्यानको बिचमा र करोडौं टिभि दर्शक सामु प्रदर्शन गर्नु मेरो युवाअवस्था देखिको सपना हो । ’

मस्कोको लुझ्निकी स्टेडियममा ८० हजार दर्शकको विचमा आयोजना हुने उद्घाटन समारोहमा रसिया विश्वको ध्यान केन्द्रित गर्न सफल हुँदैछ । रसियाको सबैभन्दा ठुलो स्टेडियम भएकोले यहिं नै विश्वकपको फाइनल खेल पनि हुने कार्यक्रम छ ।

त्यस्तैगरी ब्राजीललाई सन् २००२ मा विश्वकपको उपाधि दिलाएका रोनाल्डो पनि यो विश्वकपको उद्घाटनमा उपस्थीत हुने बताइएको छ ।
यि बाहेक स्टारद्वय प्लासिदो डोमिनगेज र जुवान डियगो फ्लोर्सले पनि विश्वकप उद्घाटनलाई आकर्षक बनाउन सांगितीक कार्यक्रम प्रस्तुत  गर्नेछन् ।

पहिलो खेल रसिया भर्सेस साउदी अरेबिया

यो संस्करणको विश्वकपको उद्घाटन खेलमा ग्रुप ए मा रहेका आयोजक रसिया र साउदी अरेबियाले भिड्ने तालिका छ । नेपाली समय अनुसार बेलुका ८ः४५ मा हुने यो खेलमा आयोजकको हैसियतले विश्वकप खेल्न पाएको रसियाले जित्ने अनुमान एकिलिस बिरालोले गरेको छ ।

रसियाको १९९० पछि विश्कपमा यो चौथो सहभागिता हो भने साउदी अरब १९९४ मा नकआउट स्टेज सम्म पुग्न सफल भएको थियो ।

विश्व फुटबलमा रसियाली खेलाडिको नाम त्यति चर्चित नभएपनि यो संस्करणमा रसियाले अलेक्सान्दर गोलोभिन जस्तो युवा खेलाडिको भर पर्नुपर्नेछ । २२ वर्षिय आक्रामक यि खेलाडिले सोचे अनुरुप प्रदर्शन गरेमा रसियाको लागि अर्को चरणमा पुग्ने सम्भावना जिवित रहन्छ ।

अलेक्सान्दर कोकोरिन घाइते भइ विश्वकप खेल्न नसक्नाले पनि यि युवा खेलाडिको भरमा रसियाले आज खेल्नेछ ।

अनुभवि मिडफिल्डर तथा चेल्सी क्लबका पूर्व खेलाडि यूरी झिर्कोभको अनुभव पनि रसियाको लागि महत्वपूर्ण छ ।

त्यस्तैगरी साउदी अरेबिया पनि नवाफ अल–अबेद, फहाद अल–मुवाल्लाद र याहया अल–शेहरी मा भर परेको छ । नवाफ अल–अबेदले विश्वकप छनौट खेलमा ५ गोल गरेका थिए भने फहाद अल–मुवाल्लादले गरेको गोलले साउदीले विश्वकप खेल्ने पक्का गरेको थियो ।

त्यस्तैगरी याहया अल–शेहरी २७ वर्षका मात्र भएपनि साउदी टोलीको लागि २००९ देखि निरन्तर खेलिरहेकाले पनि उनको अनुभव रसियालाई हराउन अति आवश्यक छ । यो समुहमा इजिप्ट र उरुग्वे पनि रहेकोले पहिलो खेलमा हार्ने टोलीको अर्को चरण पुग्ने सम्भावना लगभग समाप्त नै हुनेछ ।

तथ्यांकमा हेर्दा रसियाले हालसम्म विश्वकपमा दोेश्रो चरण पुग्न सकेको छैन भने साउदी अरब एक पटक नकआउट चरणसम्म पुगेको छ ।

तथापी रसियाको आक्रमक शैली र घरेलु समर्थकको साथका बिच रसिया यो खेलमा भारी हुने पक्का भएपनि साउदी अरबले धैर्यता धारण गर्न सके रसियालाई हराउनु असम्भव भने होइन ।

साउदीलाई खेलको मात्र नभइ आफ्नो संस्कारको पनि चटारो परेको छ । मुस्लीम राष्ट्र साउदी अरबी अहिले रमदान पर्वको बिचमा विश्वकपमा सहभागि हुँदैछन् । सूर्यको प्रकाश छउन्जेल अन्न ग्रहण गर्न नहुने परम्पराका कारण साउदीका खेलाडिलाई शारिरीक समस्या हुनसक्छ । साउदीको टोली हाल सेन्ट पिटर्सबुर्गमा छन् र यहाँ यो सिजनमा दिनको १८ घण्टा सम्म घाम लाग्ने गरेको छ । यस्तोमा खेलाडिलाई समस्या पर्नु स्वभाविक हो ।

यि सबै तथ्य भएतापनि विश्वकप सम्म पुग्न साउदी अरबले गरेको प्रयास तथा मेहनतलाई हेर्ने हो भने रसियालाई सजिलै यो खेल जित्ने अवसर भने पक्कै आउँदैन । विश्व वरियतामा दुबै टोली तल्लो क्रममा रहेकोले यो खेल प्रतिस्पर्धात्मक हुने पक्का छ । (एजेन्सीको सहयोगमा)

 

जर्मनी मेक्सिकोसँग १–० ले पराजित 

रुसमा जारी फिफा विश्वकप फुटवल प्रतियोगितामा आइतबार मेक्सिकोले च्याम्पियन जर्मनीलाई १–० ले हराएको छ । मेक्सिकोका लागि हिर्विङ लोजानोले गोल गरेर

ब्राजील र स्विजरल्याण्ड १–१ को बराबरीमा रोकिए

विश्वकफ फुटबल अन्तर्गत आइतबा भएको खेलमा ग्रुप इ को दोस्रो खेलमा ब्राजील र स्विजरल्याण्ड १–१ गोल गर्दै खेल ड्र गरेका छन् । प्रतिस्पर्धामा शुरुमा

ललित स्मृति फुटबल : सरस्वती क्लब र लुम्बिनी विजयी

काठमाडौँ, ३ असार । यहाँ जारी तेस्रो ललित स्मृति अठार वर्षमुनि (यु–१८)को फुटबल प्रतियोगितामा सरस्वती युवा क्लब र लुम्बिनी फुटबल क्लब आ–आफ्नो खेलमा

 बलियो कोस्टारिकामाथि सर्बियाको शानदार जित, ग्रुप ‘इ’ रोमाञ्चक हुँदै

काठमाडौं, ३ असार । विश्वकप २०१८ अन्तर्गत आइतबार भएको पहिलो खेलमा युरोपियन राष्ट्र सर्बियाले मध्य अमेरिकी राष्ट्र कोस्टा रिकालाई १–० गोल अन्तरले