राष्ट्रकविको स्वास्थ्यमा सुधार,चाँडै स्वदेश फर्कने

काठमाडौँ । राष्ट्रकवि माधवप्रसाद घिमिरेको स्वास्थ्यमा सुधार आएको छ । भारतको नयाँ दिल्लीस्थित मेदान्त अस्पतालमा उपचाररत घिमिरेको स्वास्थ्यमा सुधार भएको उनका छोरा इन्दिवर घिमिरेले जानकारी दिए। 

गत जेठ १९ गते मेदान्तबाट उपचार गराएर फर्किएका राष्ट्रकवि घिमिरे पुनः सोही दिनदेखि नै सानो आन्द्राबाट रक्तश्राव हुन थालेपछि गत जेठ २१ गते मेदान्तमा उपचारका लागि पुनः लगिएको हो । 

“अहिले बुबाको स्वास्थ्य अवस्था राम्रो भएको छ । सानो आन्द्राबाट रक्तश्राव हुने क्रम रोकिएको करीब चार दिनजति भयो ” छोरा इन्दीवरले भने, “पहिलेको तुलनामा धेरै सुधार भएको छ । आउँदो सोमबारसम्म चिकित्सकले अस्पतालमा राखेर हेर्ने भएका छन् ।” 

यसअघि उनलाई जेठ ९ गतेदेखि १० दिनसम्म मेदान्तमा राखेर उपचार गराइएको थियो, तर सोही दिनदेखि उहाँको पुरानो सानो आन्द्राबाट रक्तश्राव हुने समस्या पुनः बल्झिएको थियो । 

उनको अहिले मेदान्तमा उच्च हेरविचार इकाइ (हाइकेयर युनिट)मा राखेर चिकित्सक डा रणवीर सुदको टोलीले उपचार गरिरहेको छ । 

छोरा घिमिरेले छातीमा देखिएको निमोनियाको संक्रमण पनि ठीक भएको बताए। राष्ट्रकवि घिमिरे गत वैशाख २८ गतेदेखि सानो आन्द्राबाट निरन्तर रक्तश्राव भएपछि अस्वस्थ भएका थिए। शुरुमा धापासीस्थित ग्राण्डी अन्तर्राष्ट्रिय अस्पतालमा उपचार गराएका घिमिरेको स्वास्थ्यमा सुधार नआएपछि भारत लगिएको हो । 

राष्ट्रकवि घिमिरेको साथमा उनका कान्छा छोरा राजीव घिमिरे छन्। ९९ वर्षीय घिमिरे विगत चार महिनादेखि अस्वस्थ भएका हुन्। रासस

शंकर लामिछानेकी प्रिय भान्से

सानो छँदै कलाकार, साहित्यकार, संगीतकार र गायक गायिकाहरुको संगतमा हुर्केकी ममता कर्माचार्य काठमाडौंकी रैथाने हुन् । बरिष्ठ कलाकार उत्तम नेपालीकी

प्रेमा शाहको सेक्स चिन्तन

म सूर्यसँग सम्भोग गर्छु आऊ मलाई सम्भोग गर !     प्रेमा शाहको दर्शनमा ‘सेक्स अवैध होइन, तर यौन स्वतन्त्रताको तात्पर्य समाजमा जथाभाबी नग्नताको

दीपाको शब्दखेती

जीवन, वादल बर्षा र घाममा तिमीलेझैं जिउने कला सिक्न पाए कर्मको भीर पहरामा हाँसी हाँसी फुल्न पाए इन्द्रेणी पनि जीवनको छेवैमा खस्थ्यो होला जसलाई

नीराजनलाई राजा बनाउने सोचमा थिए वीरेन्द्र !

  विक्रम सम्वत् ०५७ को मङ्सिर – नारायणहिटी राजदरबारमा दिवाभोज चल्दै थियो । श्री ५ महाराजाधिराज वीरेन्द्र, बडामहारानी ऐश्वर्य र परिवारका सिनियर