पाँचथर उद्योग वाणिज्य संघमा नेपाल विजयी

सरल संवाददाता
पाँचथर, ९ जेठ । पाँचथर उद्योग वाणिज्य संघको ११ औं अधिवेशनबाट दीपक नेपाल अध्यक्षमा निर्बाचित बनेका छन् ।

बुधबार सार्बजनिक गरिएको मत परिणाम अनुसार नेपाली काँग्रेस र लिम्बुवान निकट ब्यवसायिहरुको लोकतान्त्रिक गठबन्धनको तर्फबाट अध्यक्ष पदको उम्मेद्वार बनेका नेपालले ८५० मत ल्याएर विजय प्राप्त गरेका हुन् ।

उनका निकटतम प्रतिद्धन्दि नेकपा, संघीय समाजवादी फोरम नेपाल र राष्ट्रिय प्रजातन्त्र पार्टी निकट व्यवसायीहरुको संयुक्त गठबन्धनका उम्मेद्वार तुल्सीदास श्रेष्ठले ७१७ मत प्राप्त गरेका छन् ।

उपाध्यक्षमा संयुक्त प्यानलका यामनाथ काफ्ले (७१४ मत), प्रयागराज सुवेदी (६५१ मत), लोकतान्त्रिक प्यानलका राजु न्यौपाने (६३८ मत), तिलबिक्रम नेम्बाङ (६५६ मत) ल्याई विजयी भएका छन् ।

त्यस्तैगरी महासचिवमा संयुक्त गठबन्धनका नवराज घिमिरे ७७७ मत प्राप्त गरेर विजयी बनेका छन् भने सचिवमा ६७७  मत ल्याएर लोकतान्त्रिक गठबन्धनका कमल बाँस्कोटा विजयी बनेका छन् । कोषाध्यक्षमा पनि लोकतान्त्रिक गठबन्धनकै बिमला हाङसरुम्बा श्रेष्ठ ६८५ मतकासाथ विजयी बनेका छन् ।

त्यस्तै सदस्यहरुमा संयुक्त गठबन्धनका मिलन गिरी, शान्ति थेवे, सूर्य मगर, भीम केरुङ, केशव खनाल, लोकतान्त्रिक गठबन्धनबाट दिलीप अधिकारी, सुवाश कान्दु, चन्द्र प्रसाद डाँगी, बिकेन्द्र वाइबा तामाङ, नरेन्द्र राई र बिकास थापा निर्बाचित भएका छन् । महिला सदस्यमा संयुक्त गठबन्धनका कुमारी मिश्र निर्बाचित भएकी छन् ।

शनिबारदेखि सुरु भएको अधिवेशनमा सोमबार मतदान भएको थियो । कूल एक हजार ८३६ मतदातामा एक हजार ६२६ ले मतदान गरेको निर्बाचन अधिकृत रामप्रकाश समथिङले बताए ।

 

  घिसिङको कार्यकालमा इतिहासमै कम चुहावट, प्राधिकरणको खुद नाफा लक्ष्यभन्दा बढी 

काठमाडौँ, २९ साउन । नेपाल विद्युत प्राधिकरणले गत आर्थिक वर्ष २०७४/७५ मा प्रक्षेपित भन्दा बढी आम्दानी हुने जनाएको छ । सो आवमा प्राधिकरणले एक अर्ब एक

 हिमालय ड्रग कम्पनीको नयाँ क्रिम बजारमा 

काठमाडौं । हिमालय ड्रग कम्पनीले ‘युथ इटरनिटि’ नाम गरेको छालाको हेरचाह  गर्ने क्रीमहरु बजारमा ल्याएको छ। यस युथ इटर्नि्टि रेन्जका क्रिमहरु

वाइडबडी खरिदमा ६ अर्ब ५९ करोड घोटाला, मर्मतको घाटा अलग्गै

काठमाडौं । नेपाल वायुसेवा निगमले एक महिनाको बीचमा अन्तराष्ट्रिय विमानस्थलमा उतारेका एअरबस निर्मित ३३०-२४३ (पहिले ३३०-२०० भनिएका) सेरिजका वाईड बडीका

वाइड बडी खरिदमा अढाई देखि ३ अर्ब दलाललाई बढी तिरेको पुष्टि

काठमाडौं । नेपाल वायुसेवा निगमले जहाज निर्माता कम्पनी एअरबसले दिने मूल्यभन्दा अढाईदेखि ३ अर्ब रुपैया बढी मूल्य तिरेर कम क्षमताका दुईवटा वाइड बडी