सुन तश्करीमा नेताहरु समेत तानिने,गोरेको सूचनाबाट छानविन समिति चकित

काठमाडौं । सुन तस्करीका ‘नाइके’ चूडामणि उप्रेती ‘गोरे’को पक्राउसँगै यस काण्डमा केही नेताहरुसमेत तानिन सक्ने सम्भावना रहेको थाहा भएको छ। सुन तस्करीमा लगानी गर्ने र संरक्षण गर्ने राजनीतिक समूहमाथि पनि छानबिन समितिले अनुसन्धान अघि बढाउने भएको समाचार सूत्रले बताएको छ।

यसैगरी छानबिन समितिसँग गोरेले सेटिङ मिलाएरै आफूले सुन तस्करी गरेको स्वीकार गरेका छन्। उनले अदालतमा बयान दिईसकेपछि राजनीतिक दलका केही संलग्न नेता र प्रहरी अधिकारी समेतको नाम सार्बजनिक हुने सूत्रले बताएको छ। गोरे प्रहरी अधिकारीहरुलाई आफूले पैसा दिएको बयान दिएमा हाल हिरासतमा रहेका प्रहरी अधिकारी जेल जाने छन्।

गोरेको गिरफ्तारीपछि उत्साहित बनेको छानबिन समितिले अनुसन्धानले नयाँ मोड लिएको  र यसको सबै पक्ष चाँडै पटाक्षेप हुने विश्वास लिएको एक सदस्यले बताएका छन्। उनले गोरे पक्राउपछि आफूहरुको अनुसन्धानलाई थप बलियो बनाएको र थप रहस्यहरु खुल्ने बताए।

गोरेले छानबिन समितिसँगको बयानमा आफूले विमानस्थलमा प्रहरी र एयरलाइन्सका कर्मचारीसँग सेटिङ मिलाएर सुन ल्याउने गरेको स्वीकारेका हुन्। तर, आफू मुख्य तस्कर नभई मुख्य व्यवस्थापक भएको बताएका छन्। स्रोतका अनुसार गोरेले लगानी गर्ने व्यापारीहरु तथा सहयोग गर्ने प्रहरीहरुको पनि नाम लिएका छन्।

मंगलबार गृह मन्त्रालयमा आयोजित पत्रकार सम्मेलनमा छानबिन समितिका सहसचिव ईश्वरराज पौडेलले गोरे पक्राउ परेपछि थप तथ्यहरु खुलेको र त्यससँगै अनुसन्धानले थप गति लिने बताए।

गोरेले प्रहरी र विमानस्थलका कर्मचारीलाई पैसा दिएको स्वीकारेका छन्। उनले आफूलाई सहयोग गर्ने थप प्रहरीको समेत पहिचान खुलाएको स्रोत बताउँछ।

यसअघि डायरीमा लेखेर पैसा बाँडिएका प्रहरीलाई मात्र छानबिन समितिले डाकेर बयान लिएको थियो। उनीसँग धेरै प्रहरी अधिकारीहरुको फोन सम्पर्क देखिएकाले अब उनीहरुतर्फ पनि अनुसन्धान अघि बढ्ने स्रोत बताउँछ।

शनम शाक्य हत्या प्रकरणसँगै खुलेको ३८ सय केजी सुन तस्करीका मुख्य नाइके मानिएका गोरेलाई आज प्रहरीले पक्राउ गरी सार्वजनिक गरेको हो। गृह मन्त्रालयमा आयोजित पत्रकार सम्मेलनमा उनलाई सार्वजनिक गरिएको थियो। गोरेलाई सार्वजनिक गरेलगत्तै मोरङ जिल्ला अदालतमा पेश गर्न पठाइएको छ।

गोरेलाई आज बिहान साढे ५ बजे काठमाडौंको गौरीघाटबाट पक्राउ गरिएको छानबिन समितिका पौडेललेले जानकारी दिए। यसअघि प्रहरी स्रोतले गोरेलाई भारतबाट पक्राउ गरेर ल्याइएको जनाएको थियो।
 

सभापति देउवासँग युवा नेताहरुको प्रश्न- कांग्रेस कहाँ चुक्यो ?

काठमाडौँ, ६ असार । नेपाली काँग्रेसका युवा नेताहरुले सबल प्रतिपक्षका लागि पार्टीमा सशक्त नेतृत्वको खाँचो रहेको औँल्याएका छन् ।  मंगलबारदेखि

‘प्रधानमन्त्रीबाटै भ्रमण निर्देशिकाको अवहेलना’

काठमाडौं, ६ असार ।  दक्षिणी छिमेकी भारतको भ्रमण पश्चात् हुन लागेको प्रधानमन्त्री केपी ओलीको चीन भ्रमणलाई निकै चासोका साथ हेरिएको

 जिल्ला सभापति भेलालाई देउवाको सम्वोधन, कांग्रेसलाई पहिलो पार्टी बनाउने घोषणा

काठमाडौं,५ असार । नेपाली कांग्रेसका सभापति शेरबहादुर देउवाले आगामी निर्वाचनमा नेपाली कांग्रेसलाई पहिलो पार्टी बनाउने घोषणा गरेका छन् । हेटौंडामा

देउवाले पार्टीभित्रका अन्तर्घातीलाई नछाड्ने

 चितवन,४ असार । नेपाली कांग्रेसका सभापति शेरबहादुर देउवाले पार्टी भित्रकै अन्तरघातका कारण कांग्रेसले जित्ने सुनिश्चित भएका २५ सिटमा हारेको दावी