भक्तपुर अस्पतालमा डेढ करोडका उपकरण अलपत्र

सरल संवाददाता - भक्तपुर, २६ जेठ । भक्तपुर जिल्ला अस्पतालमा अहिले पनि डेढ करोड बराबरको उपकरण र सामग्री प्रयोगबिहीन अवस्थामा रहेका छन् । केन्द्रिय अस्पतालको रुपमा रहेको यो अस्पतालमा आईसियू सघन कक्ष सञ्चालनका लागि ल्याईएका ती उपकरणहरु दक्ष जनशक्तिको अभावमा प्रयोगबिहीन भएको अस्पतालका मेडिकल सुपेरिटेण्डेन डाक्टर सुधा देवकोटाले बताईन् । यसरी अलपत्र रहेका उपकरणको सहि प्रयोगका लागि अस्पतालले पहल थालेपनि आवश्यकता अनुसार सरकारले सहयोग गर्न नसक्दा समस्या परेको छ ।
विगतमा केही अस्तव्यस्त अवस्थामा रहेको भक्तपुर अस्पतालको सेवा प्रवाह पछिल्लो समयमा भने सेवा प्रवाहदेखि दैनिक कार्यसम्पादनमा तीब्रता आईरहेको अस्पताल प्रमुख डाक्टर देवकोटाले बताईन् । विगतमा यहाँ कार्यरत चिकित्सकहरु जगिर खाने मानसिकतामा रहेको पाईएपनि अहिले सेवाको भावबाट चिकित्सक र डाक्टरहरु ओतप्रोत भएकोले अस्पताल समयमा बाहिरका नीजि स्वास्थ्य संस्थामा काम गर्न जाने प्रबृत्ति घट्दै गएको डाक्टर देवकोटाको दाबी छ ।

अहिले अस्पतालमा चौविसैघण्टा आकस्मिक सघनसहित प्रसुति, एक्सरे, ओपीडि, प्रयोगशाला विभाग लगायतका सेवाहरु सहज र सर्वसुलभ रुपमा दिईरहेको उनले जानकारी दिईन् । सरकारको नीति अनुसार प्रभावकारी रुपमा सेवा प्रवहामा लागिरहेको भएपनि अप्रेशन थियटरमा आबश्यकता अनुसार डाक्टर नहुँदा समस्या भएको छ । यसका लागि मन्त्रालयमा पहल गरेपनि मन्त्रालयले अहिलेसम्म यो बिषयमा चासो देखाएको छैन् । अस्पतालको सुधारमा आफूहरु अहोरात्र खटिएता पनि बिभिन्न खालका समस्याका कारण अस्पतालको सुधार गर्न अप्ठ्यारो परेको उनको भनाई छ ।

विश्वविद्यालय, मेडिकल काउन्सिल र अख्तियारलाई मिलाउने यस्तो रहेछ तरिका

"हरिश न्यौपाने (चितवन मेडिकल कलेजका अध्यक्ष) ले एमबिबिएसमा सिट संख्या बढाउन मेडिकल काउन्सिलको एउटै मान्छेलाई पटक पटक गरेर लगभग ६० करोड खर्च गरेका

 लुम्बिनी अस्पतालमा ‘सिकलसेल एनिमिया’का बिरामी 

बुटवल, २९ असार । लुम्बिनी अञ्चल अस्पताल, बुटवलमा उपचारका लागि आएका बिरामीमध्ये नाबालकसहित दुईजना ‘सिकलसेल एनिमिया’ बाट प्रभावित भएको देखिएको छ

आँप खाऔं स्तन क्यान्सरबाट बचौं

अहिले आँपको सिजन । बजारमा अरुबेला भन्दा केही सहज मूल्यमा फलफुलको राजा मानिने आँप किन्न पाइन्छ । आँपको सेवनबाट हामीले सोच्दै नसोचेको फाइदा पाउन सक्छौ

एकै पटक धेरै काम गर्दा दिमागले प्रोसेस गर्न सक्दैन

भागदौडपूर्ण जीवनमा हरेक मानिससँग समयको अभाव छ । समयको अभाव देखाउँदै मानिसले एक पटक धेरै काम गर्न खोज्छ । तर अध्ययनले यस्तो गर्नु नोक्सानीपूर्ण हुने