ओली लम्पसार परेका दस तथ्य

लम्पसार भनेको कस्तो हुन्छ ? केपी ओलीजस्तो हुन्छ । लम्पसार भन्न केपी ओलीले नै सिकाएका हुन् । विगतमा अनेक खालका लम्पसार देखियो । लम्पसार कस्तो हुन्छ भन्ने सटिक ढंगले बुझ्न सकिएको थिएन । 

लम्पसारको खास अर्थ बुझ्न र देख्न केपी ओली नै प्रधानमन्त्री बन्नुपर्यो । प्रधानमन्त्री बनेर ओलीले नै लम्पसारको असली रुप देखाइदिए ।

भारतका प्रधानमन्त्री नरेन्द्र मोदी नेपाल आउँदा उनको स्वागत सत्कार गर्नु राष्ट्रिय दायित्व र शिष्टाचार थियो । उनको स्वागतमा कुनै कमी हुन नदिनु सरकारको दायित्व नै थियो । तर, ओली सरकारले स्वागत सत्कारको नाममा अलि बढि नै गर्यो । अस्वाभाविक कामहरु गर्यो । 

हुनत ओली लम्पसार परेका होइनन् भनेर तर्क दिनेहरु पनि छन् । खासगरी एमालेको ओली गुटबाट ओली लम्पसार परेका छैनन् भन्ने कोणबाट प्रचारप्रसार गर्ने कामहरु भइरहेको छ । तर, तथ्यले भन्छ, ओली लम्पसार परेका हुन् । ओलीले हिजो जे नारा दिएका थिए, त्यस विपरित काम गरेका छन् । हिजोका ओली र आजका ओलीबीच आकाश पातालको फरक देखिएको छ । 

प्रधानमन्त्री बनेदेखि मोदीलाई नेपाल भ्रमण गराएसम्मका विभिन्न प्रकरणहरुले ओली लम्पसारवादी बनेको प्रष्ट देखिएको छ । यी दस तथ्यले ओली लम्पसार परेको पुष्टि हुन्छ । 

तथ्य नम्बर– १

ओली जति बोलक्कड नेता नेपालमा अरु कोही छैनन् भने पनि हुन्छ । अति प्रष्ट वक्ता पनि मानिन्छन् । पहिलो पटक प्रधानमन्त्री बनेर भारत जाँदा ओलीले भारतमै आफ्नो प्रष्ट वक्ता शैली देखाएका हुन् । तर, यसपटक ओलीको बोली बन्द छ ।

पहिलो पटक प्रधानमन्त्री बनेपछि ओलीले नाकावन्दी खुल्ला नभई भारत भ्रमणमा जाँदिन भनेर अडान लिए । भारतले मान्यो, नाकावन्दी खोल्यो । 

दोस्रो पटक प्रधानमन्त्री बनेपछि ओली भारत गए । उनको विगत अडानलाई ध्यानमा राख्दा उनले पहिलो भ्रमण भारतबाट गर्न हुँदैनथ्यो । चीनबाट गर्न पर्दथ्यो । भारत या चीनको सट्टा अन्य कुनै देशको भ्रमण गर्नुपथ्र्याे । नेपालका प्रधानमन्त्रीले पहिलो विदेश भ्रमण भारतबाटै गर्नुपर्ने परम्परा ओलीले अन्त्य गर्न सकेनन् । लम्पसार परेर पहिलो विदेश भ्रमण भारतको गरे । 

तथ्य नम्बर– २

दोस्रो पटक प्रधानमन्त्री बनेपछि ओलीको अडान हुनुपथ्र्याे– नाकावन्दी गल्ती थियो भनेर भारतले स्वीकार नगरेसम्म भ्रमणमा जाँदिन । तर, गल्ती स्वीकार गर्न नलगाई ओली लुसुक्क भारत गए । 

पहिलो पटक नाकावन्दी नखोली भारत आउँदिन भन्न सक्ने ओलीले दोस्रो पटक नाकावन्दी गल्ती थियो भनेर स्वीकार्न लगाउन सक्थे । कुनै सर्त नराखी भारत गए । 

अर्थात्, लम्पसार परे ।

तथ्य नम्बर– ३

भारत भ्रमण गरिसकेपछि ओलीले चीनको भ्रमण गर्नुपर्ने थियो । त्यसपछि मात्र भारतका प्रधानमन्त्रीलाई नेपाल ल्याउनुपर्ने थियो । ओलीले चीनसँगको सम्बन्धलाई उच्च प्राथमिकता दिँदै आएका थिए । चीनतिर सम्बन्ध बढाउने कुनै सुरसार नै नदेखाउने, भारततिर मात्र लहसिने प्रवृत्ति ओलीले देखाए । ओली आफैं भारत गए तर चीनमा चाहिँ परराष्ट्र मन्त्री प्रदिप ज्ञवालीलाई पठाए ।

तथ्य नम्बर– ४

भारत भ्रमणको क्रममा ओलीले सप्तकोशी नदी भारतलाई सुम्पिएका छन् । ओली र मोदीले नेपाललाई जलमार्गबाट समुद्रसँग जोड्ने भनेर गफ दिएका छन् । ओलीका अनुसार कोशी उच्च बाँध बनेपछि कोशी नदीमा पानीको बहाव बढ्छ र सजिलैसँग जहाज चल्छ । यो झुठा गफ हो । किनभने उच्च बाँध बनेर नदीमा पानीको बहाव बढ्ने सत्य हो तर त्यो पानी नहर बनाएर सिंचाईंका लागि भारतले लैजान्छ । अनि कसरी चल्छ जहाज ?

पानी जहाज चलाउँछु भनेर नेपाली जनतालाई झुठो आश्वासन दिने अनि भारतलाई चाहिँ कोशी उच्च बाँध बनाउन दिनु भनेको लम्पसार नै हो । 

तथ्य नम्बर– ५

विगतमा अरुण तेस्रो आयोजना बनाउन एमालेले नै नदिएको हो । एमालेले अनावश्यक विरोध गरेकोले नेपालले सो आयोजना बनाउन सकेन । सो आयोजना नेपाल मालिक भएर बनाउन खोजिएको थियो । विश्व बैंक, एसियाली विकास बैंकले लगानी गर्न खोजेका थिए । 

त्यही अरुण आयोजना अहिले ओलीले भारतलाई बनाउन दिएका छन् । यो लम्पसार नभएर के हो त ?

तथ्य नम्बर– ६

नेपालमा भारतीय राजदूतावासले सीधै विकास आयोजनामा खर्च गर्न सक्छ । यो व्यवस्थाको एमालेले विरोध गर्दै आएको थियो । प्रधानमन्त्री भइसकेपछि ओलीले भारतीय दूतावासलाई दिइएको यो सुविधा हटाउँछन् भन्ने ठानिएको थियो । यो व्यवस्थालाई उनले खारेज गरेनन्, बरु निरन्तरता दिएका छन् । विगत सरकारकै निर्णय भन्दै यो व्यवस्था हटाउन ओली सरकारले मानेको छैन । 

विगत सरकारले गरेको यो निर्णय गलत हो भने ओली सरकारले किन खारेज गर्दैन ? विगतका सरकारहरुको निर्णयको आड लिएर ओली लम्पसार परेका छन् । 

तथ्य नम्बर– ७

नरेन्द्र मोदीलाई दुईदुई ठाउँ अभिनन्दन किन गर्नुपर्यो ? नेपालको हितमा छैन भन्दै सुशील कोइरालाले मोदीलाई जनकपुर र मुक्तिनाथ जानबाट रोकेका थिए । मोदीलाई रणनीतिक महत्वको ठाउँमा जान नदिएर देशको हित गर्ने सुशील कोइराला र उनको पार्टी राष्ट्रघाती रे । अनि मोदीलाई जनकपुर र मुक्तिनाथ पुर्याउने, जनकपुरमा आमसभा गर्न दिने ओलीचाहिँ राष्ट्रवादी रे ! 

मोदीलाई जनकपुर र मुक्तिनाथ पुराउनु लम्पसार नभएर के हो ?

भारतबाट अमलेखगञ्जसम्म पाइप लाइन ल्याउन ओलीले सम्झौता गरेका छन् । तर, यसका लागि अन्य देशसँग नेपालले पेट्रोलियम किन्न नपाउने सर्त पनि मानेको समाचार आइरहेको छ । यो लम्पसार नभएर के हो ओलीजी ? 

तथ्य नम्बर– ८

मोदी नेपाल भ्रमण आउँदा ओली सरकारले गरेका अनेक हर्कतहरु लम्पसारका ज्यूँदाजाग्दा प्रमाण हुन् । केपी ओली कति लम्पसार परेका छन् भन्ने एउटा सानो घटनाबाट छर्लङग देखिन्छ । 

ओली सरकारले विवेकशील साझा पार्टीको कार्यालय ललितपुरबाट एउटा व्यानर प्रहरी लगाएर हटायो । व्यानरमा मोदीलाई स्वागत र नाकावन्दी भुलेका छैनौं लेखिएको थियो । यो व्यानरले ओली सरकारको केही बिगारिदिएको थिएन । तैपनि किन व्यानर झिकियो ? 

तथ्य नम्बर– ९

मोदीको चाकडीका लागि ओलीले विवेकशीलको व्यानर च्यात्न लगाएका हुन् । मोदीलाई ‘तपाईंको विरोध गर्नेहरुलाई तह लगाएँ नि’ भन्नलाई ओलीले व्यानर च्यातेका हुन् । मोदीको स्वागत र नाकावन्दीको सम्झनामा लेखिएको व्यानर च्यात्नुपर्ने कुनै कारण थिए । लम्पसार परेको छु भन्ने सन्देश मोदीलाई दिनको लागि मात्र व्यानर च्यातिएको हो । 

तथ्य नम्बर– १०

प्रधानमन्त्री भएयता ओलीको मुखबाट एउटा शब्द निस्किएको छैन । त्यो शब्द हो– नाकावन्दी । नाकावन्दी शब्द उच्चारण नै गर्न नसक्नेलाई लम्पसारवादी नभनेर के भन्ने ? 

प्रधानमन्त्री हुने अवस्था देखिनासाथ देखि ओलीले नाकावन्दी शब्द उच्चारण गरेका छैनन् । भारत गए, नाकावन्दी उच्चारण गरेनन् । मोदी नेपाल आए, नाकावन्दी उच्चारण गरेनन् । नाकावन्दी शब्द उच्चारण नगरेर ओलीले आफू विगतको केपी ओली नभएर लम्पसारवादी नयाँ केपी ओली भएको प्रमाण दिएका छन् । 

एघारौं, बाह्रौं...

प्रधानमन्त्री केपी ओलीले लम्पसार शब्द चलनचल्तीमा ल्याएका हुन् । अहिले उनी आफैं लम्पसारको नमूना उदाहरण बनेका छन् । मैले यहाँ ओली लम्पसारको दस तथ्य प्रस्तुत गरेको छु । तथ्य यति मात्र होइन, एघारौं, बाह्रौं र त्योभन्दा धेरै पनि छ । लम्पसारका बाँकी तथ्य आगामी दिनमा लेख्दै जानेछु ।

खतरामा ओली सरकार : तर कताबाट ? को बाट ?

तरवारको धारमा चलिरहेको हुन्छ सरकार जहिले पनि । जताततैबाट खतरा हुन्छ । त्यसैले केपी ओलीको सरकार पनि खतरामा छ । ओली सरकारलाई कताबाट खतरा छ ? केबाट खतरा छ ?

 सुकेको काठ जस्तै यसरी भाँचियो नेपालको राजसंस्था  

लचकदार राजतन्त्र टिक्दोरहेछ। एउटा जमाना अर्कै थियो। बेलायती साम्राज्यमा सूर्य अस्ताउन छोडेको थिएन। सन् १९३६ मा राजा जर्ज (पाँचौ) को ईहलिला समाप्त

कम्युनिस्ट एकता ! बधाई काङ्ग्रेस !

मुलुकका दुई ठूला कम्युनिस्ट पार्टीहरूको एकता भएर नेपाल कम्युनिस्ट पार्टी अन्डरलाइन बनेछ । समान विचार र स्वार्थका दलहरूकावीचमा ध्रुबीकरण

नमस्कार, अण्डरलाईन एयरलाइन्समा स्वागत छ !

 ‘इतिहासमा धेरै कम्युनिष्ट पार्टीहरुले आन्दोलनका समय ठूल्ठूला त्याग र वलिदान गरेका छन्। तर सत्तामा पुगेपछि भ्रष्ट स्खलित र आदर्शहीन भएको उदाहरण