माफी माग परराष्ट्रमन्त्री ज्ञवाली ! 

दुई नंबर प्रदेशका मूख्यमन्त्री लालबाबु राउतको भाषणकोलागि नेपालका परराष्ट्रमन्त्री प्रदीप ज्ञवालीले राजिनामा गर्नु पर्दछ र प्रधानमन्त्रीले राष्ट्र समक्ष क्षमा माग्नु पर्दछ !
 
भारतीय प्रधानमन्त्री नरेन्द्र मोदी नेपाल सरकारका तर्फबाट प्रधानमन्त्री केपी ओलीको निमन्त्रणामा आएका नेपालका सम्मानित अतिथि हुन्!
नेपाल भ्रमणका अवसरमा मोदीका भेटघाटका र सार्वजनिक उपस्थितिका कार्यक्रमहरू नेपाल सरकारको परराष्ट्र मन्त्रालयको प्रस्ताव र सहमतिमा तय भएको हुन्छ! हुनुपर्दछ!

 
त्यस्तो सार्वजनिक समारोहमा मन्चमा को को उपस्थित हुने? वक्ताहरू को को हुने र बक्ताहरूले के के बोल्ने त्यसबारे नेपाल सरकारको सहमति रहेको हुन्छ हुनुपर्दछ।

नेपाल सरकारले सहमति नगरेका विषयमा नेपालका सरकारी पाहुना सामू सार्वजनिकरूपमा प्रस्तुत गर्न पाइन्न!

यहाँसम्मकि त्यस्ता कार्यक्रममा अतिथि प्रधानमन्त्रीले लिखित भाषण पढ्दै छन् भने त्यस्तो भाषणको प्रति नेपाल सरकारलाई उपलव्ध गराइएको हुन्छ! हुनुपर्दछ!

भाषण अलिखित हुँदैछ भने त्यस भाषणले प्रवेश गर्ने विषयहरूबारे पनि दुई देशका परराष्ट्र मन्त्रालयका अधिकारीहरूवीच त्यसबारे सैद्धान्तिक सहमति भएको हुनु पर्दछ।

दुई नंबर प्रदेशका मूख्यमन्त्री मोहम्मद लालबाबु राउतले भारतका प्रधानमन्त्रीको नागरिक अभिनन्दन समारोहमा जे बोले सर्वथा अनुचित, अमर्यादित र अनैतिक बोले!

उनी पनि त्यहाँ नेपाल सरकारका अङ्ग थिए! राज्यका प्रतिनिधि थिए। 

आन्तरिक राजनीतिक फोरमहरूमा, सार्वजनिक समारोहहरूमा उनी आफ्ना कुरा राख्न सक्थे,तर कुनै औपचारिक समारोहमा नेपाल सरकारको नीति विपरित उनले बिदेशी मुलुकका प्रतिनिधि सामू बोल्न पाउन्नन्!

 
त्यसैले मूख्यमन्त्री राउतले भारतीय प्रधानमन्त्रीको उपस्थितिमा जे बोले त्यसबारे नेपालका परराष्ट्र मन्त्री जानकार थिए भने पनि त्यसलाई उनले रोकेकै हुनु पर्दथ्यो!

उनी त्यसबारे जानकार थिएनन् भने त्यो उनको असक्षमता र राष्ट्रिय दायित्वप्रतिको अक्षम्य उपेक्षा हो! त्यसकारण उनी परराष्ट्रमन्त्रीको पदमा रहन योग्य छैनन् भनेर बुझ्नु पर्दछ!

प्रधानमन्त्री ओलीले आफ्नो नेतृत्वको सरकारको परराष्ट्र मन्त्रालयको जिम्मेवारी नैतिकरूपमा लिनु पर्दछ!  त्यसमाथि लालबाबु राउत जुन दललाई प्रतिनिधित्व गर्दछन् त्यो दलको समर्थन प्रधानमन्त्री ओलीलाई प्राप्त छ! प्राविधिकरूपमा जे जस्तो भए पनि सिद्धान्ततस् राउतको दल संघीय संसदमा सरकारी दल हो! 

राउतको भाषणका लागि प्रधानमन्त्री ओलीले राष्ट्र समक्ष क्षमायाचना गर्नु पर्दछ! राउतलाई उनको दलबाट कारवाही गराउन प्रधानमन्त्रीले पहल गर्नु पर्दछ!

मधेशको गुनासो होला तर मूलतः त्यो मनोवैज्ञानिक हो! कपोलकल्पित नारालाई मोदीको उपस्थितिमा अन्तर्राष्ट्रियकारण गर्ने सुनियोजित षड्यन्त्रपूर्ण रणनीति अन्तर्गत राउतले बोलेका हुन्!

यसलाई ओली उनको दल र माओवादी केन्द्रले हलुकारूपमालिनु हुन्न! हुँदै हुन्न !

(नेपाल शिक्षक युनियनका पूर्व अध्यक्ष केशबप्रसाद भट्टराईको टिप्पणी उनको फेसबूक वालबाट)
 

खतरामा ओली सरकार : तर कताबाट ? को बाट ?

तरवारको धारमा चलिरहेको हुन्छ सरकार जहिले पनि । जताततैबाट खतरा हुन्छ । त्यसैले केपी ओलीको सरकार पनि खतरामा छ । ओली सरकारलाई कताबाट खतरा छ ? केबाट खतरा छ ?

 सुकेको काठ जस्तै यसरी भाँचियो नेपालको राजसंस्था  

लचकदार राजतन्त्र टिक्दोरहेछ। एउटा जमाना अर्कै थियो। बेलायती साम्राज्यमा सूर्य अस्ताउन छोडेको थिएन। सन् १९३६ मा राजा जर्ज (पाँचौ) को ईहलिला समाप्त

कम्युनिस्ट एकता ! बधाई काङ्ग्रेस !

मुलुकका दुई ठूला कम्युनिस्ट पार्टीहरूको एकता भएर नेपाल कम्युनिस्ट पार्टी अन्डरलाइन बनेछ । समान विचार र स्वार्थका दलहरूकावीचमा ध्रुबीकरण

नमस्कार, अण्डरलाईन एयरलाइन्समा स्वागत छ !

 ‘इतिहासमा धेरै कम्युनिष्ट पार्टीहरुले आन्दोलनका समय ठूल्ठूला त्याग र वलिदान गरेका छन्। तर सत्तामा पुगेपछि भ्रष्ट स्खलित र आदर्शहीन भएको उदाहरण