यौन हिंसामा मुछिएका नोबेल सहित्य पुरस्कार समितिका चारसदस्य बिदा  बसे

स्टकहोम । नोबेल साहित्य पुरस्कार प्रदान गर्ने स्विडेनी एकेडेमीले आफ्ना चार जना सदस्यलाई बिदा बस्न अनुमति दिएको छ । 

परम्परागत रुपमा स्थायी सदस्यमा नियुक्त भएका चार जना सदस्यलाई यौनिक हिंसा प्रकरणमा मुछिएपछि पुरस्कार समितिको सदस्यका रूपमा विदामा रहन सोममार एकेडेमीले अनुमति दिएको हो । 

नोबेल समितिले यस बर्षको साहित्य तर्फको पुरस्कार कसैलाई पनि नदिने निर्णय गरेको समाचार केहीदिन अगाडि सार्वजनिक भएको थियो । 

स्विडेनको दैनिक पत्रिका डागेन्स निहेटरले गत नोभेम्बरदेखि एकेडेमीका प्रभावशाली व्यक्तिहरूले विभिन्न १८ महिलालाई बलात्कार गरेको, यौनदुव्यवहार गरेको वा सताएको समाचारलाई अभियानकै रुपमा पछ्याउदै लगेको थियो । त्यही समाचारको प्रभावका कारण अहिले उनीहरूलाई बिदा बस्न दिइएको होे । 

“लोट्टा लोटस, क्लास ओस्टेग्रेन र सारा स्ट्रीगवर्गलाई तत्काल स्विडेन एकेडेमीबाट विदा बस्न अनुमति दिइएको छ,” एकेडेमीद्वारा प्रकाशित वक्तव्यमा भनिएको छ । लोटस सन् २०१५ देखि निश्क्रिय थिए। 

त्यसैगरी चौथो सदस्य केस्टिन इक्मानलाई पनि विदा बस्न अनुमति दिइएको छ । उनी सन् १९८९ देखि निश्क्रिय हुनुहुन्थ्यो भने उनलाई बेलायती लेखक सल्मान रुसडीका विरुद्धमा दुव्र्यबहार गरेको आरोप लागेको थियो । तर उनले त्यो आरोपको खण्डन गर्दै आएका थिए। घटना भएको झण्डै २७ बर्षपछि मात्रै एकेडेमीले यस बारेमा चासो दिएको छ । 

प्राविधिक रुपमा एकेडेमीका सदस्यहरु आजीवन सदस्यका रुपमा नियुक्त हुन्छन्, तर उनीहरूले चाहेको बेलामा मात्रै उनीहरूले पद त्याग गर्न सक्ने व्यवस्था रहेको छ । 

एकेडेमीमा अहिले तत्काल दश जना सक्रिय सदस्यको कमी भएको छ भने १२ जना नयाँ सदस्य निर्वाचित गर्नु पर्ने भएको छ । एकेडेमीले सन् २०१९ मा दुई वटै पुरस्कारको घोषणा गर्न सक्नेछ । रासस/एएफपी

  यस वर्षको जी सिनेमा अवार्ड काठमाडौंमा हुने

काठमाडौं । चर्चित फिल्मी पुरस्कार जी सिनेमा अवार्ड वितरण गर्ने स्थल यो वर्ष नेपाल छानिएको छ । भारतकै लोकप्रिय मानिएको जी सिनेमा अवार्ड वितरण

यसरी सम्झिईए गायक अरुण

काठमाडौँ, ६ साउन । करोडौँ मुटुहरुको ढुकढुकी नेपाल......’ जस्ता अमर गीतका गायक स्वर्गीय अरुण थापामगरको उचित सम्मान हुन नसकेको शनिबार यहाँ आयोजित

के सञ्जुले सञ्जय दत्तलाई सफाइ दिएको हो?

  बलिवूड अभिनेता सञ्जय दत्त भारतकै सबैभन्दा विवादास्पद चलचित्र अभिनेता हुन्। रक्सी र लागुऔषधको उनको कुलत, उनका प्रेम सम्बन्धहरू र आतंकवादसम्बन्धी

 बेलायतमा गुञ्जियो नेपाली कविता 

काठमाडौँ, १७ असार । समकालीन साहित्य प्रतिष्ठान बेलायतको आयोजनामा बकिंघम शायरको कुम्ब हिलमा शनिबार काव्ययात्रा सम्पन्न भएको छ ।  प्राकृतिक र