देउवा विरुध्द पौडेलको नेतृत्वमा सिटौलासहितको मोर्चावन्दी

काठमाडौं,२४ वैशाख । पार्टीलाई मनोमानी शैलीमा चलाएको भन्दै कांग्रेसका बरिष्ठ नेता रामचन्द्र पौडेलले सभापति शेरबहादुर देउवाविरुध्द मोर्चावन्दी कसेका छन्। निर्वाचन पछि सुस्ताएका पौडेल हालै पदाधिकारी मनोनयन गर्दा सभापति देउवाले आफूलाई पुरै उपेक्षा गरेको निष्कर्षमा पुगेपछि सशक्त प्रतिरोधमा उत्रने तयारीमा लागेका देखिन्छन्।

उनले देउवा विरोधी नेताहरुलाई सम्पर्क गर्दै आफ्नो मोर्चामा आउन आग्रह गरिरहेको थाहा भएको छ। पौडेल निकट एक कांग्रेसविज्ञका अनुसार, महामन्त्री शशांक कोइरालाले स्पष्ट अडान नलिईदिँदा देउवाले आफ्ना निकट नेतालाई मात्र पदाधिकारी मनोनयन गर्ने अवसर पाएका हुन्। पौडेल यही कारण कोइरालासँग समेत रुष्ट भएका छन् । 

तर अब पौडेल सभापति देउवालाई पार्टी विधान र सहमतिविपरीत चलेको आरोपमा चेताउन गृहकार्यमा जुटेका छन्।

यही उदेश्यले आईतबार नेता प्रकाशमान सिंहको निवास चाक्सीबारीमा पौडेल निकट ४ नेताबीच छलफल पनि भएको थियो। उनीहरुले हालै भएको पदाधिकारी मनोनयन प्रक्रिया र यसको प्रतिवाद गर्न अपनाउनुपर्ने भावी रणनीतिबारे छलफल गरेका थिए। 

चाक्सीबारी बैठकमा वरिष्ठ नेता पौडेल, सिंह, केन्द्रीय सदस्य अर्जुननरसिंह केसी र नवीन्द्रराज जोशी सहभागी थिए। पौडेलले नवनियुक्त पदाधिकारीहरू उपसभापति विमलेन्द्र निधि, महामन्त्री पूर्णबहादुर खडका र सहमहामन्त्री प्रकाशशरण महतसँग भएको कुराकानीबारे नेताहरुलाई ब्रिफिङ गरेका थिए ।  

पदाधिकारी मनोनयन विधानविपरीत भएको भन्दै पौडेल र पूर्वमहामन्त्री कृष्णप्रसाद सिटौला पक्षले बैठक बहिष्कार गर्दा महामन्त्री कोइरालाले भने समर्थन गरेको बिषयमा निकै गम्भीर छलफल भएको थाहा भएको छ।

पूर्व महामन्त्री सिटौलासँग यस बिषयमा छलफल गरेर आगामी महाधिवेशनलाई लक्षित गरी अगाडि बढ्न दीर्घकालीन रणनीति बनाउने तयारी भएको चाक्सीबारी बैठकका एक सहभागीले सरल पत्रिकालाई बताए।

महामन्त्री कोइरालाले सभापतिलाई पदाधिकारी मनोनयनमा समर्थन गरेर पार्टीमा मनोमानी गर्न सहयोग पुर्याएको निष्कर्ष निकाल्दै नेताहरुले आगामी महाधिवेशनमा नेतृत्वको विकल्प खोज्न पनि प्रारम्भिक छलफल भएको बुझिएको छ।  

पौडेलले यसैसाता थप छलफल गर्न सिटौला सहितको बैठक बोलाउने तयारी गरेका थाहा भएको छ। 
 

\'ओली सरकार सर्वसत्तावादतिर जाँदैछ\'- कांग्रेस नेता कोइराला

नेपालगंज । नेपाली काँग्रेसका नेता डा शेखर कोईरालाले शान्तीपूर्ण प्रदर्शनमा समेत बल प्रयोग गरेर निरंकुश शाही  शासनको झझल्को दिएको बताएका छन्। उनले

 यसकारण पूरा हुनुपर्छ डा. केसीका माग

मानिस कतिसम्म अविवेकी र निकृष्ट हुनसक्छ भन्ने तथ्य खोज्न सामाजिक सञ्जालका भित्ता हेरे पुग्छ । डाक्टर केसीमाथि अपशब्द बर्साउनेहरुको मनोदशा देखेर

शक्तिशाली नेताहरुलाई मार्सीले पखाला लागेपछि...

फागुनमा मार्सीको भात खुवाइयो र असारमा त्यसको गुन तिरियो, लाभ लिइयो । यो कुनै आरोप होइन र बाघ कराउने र बाख्रो हराउने संयोगमात्रै पनि भएन । एकै ठाउँ

गोली चलाएको भन्ने हल्ला झुुठो : उपप्रधानमन्त्री

विराटनगर, ५ साउन । उपप्रधान एवं रक्षामन्त्री ईश्वर पोखरेलले जुम्लामा डा गोविन्द केसीलाई ल्याउँदा सरकारले गोली चलाएको भन्ने कुरा झुठो भएको बताएका छन्