पशुपतिमा विशेष सफाइ

काठमाडौँ, ४ वैशाख ।  पशुपति क्षेत्र विकास कोषले ३२ औँ स्थापना दिवसको तयारीस्वरुप पशुपति क्षेत्र परिसरमा विशेष सफाइ गरेको छ । 
विश्वभरका हिन्दूको आस्थाको केन्द्र पशुपतिलाई सधैँ सफा राख्ने कार्यक्रमअन्तर्गत कोषको वार्षिकोत्सव कार्यक्रमअघि विशेष सफाइ अभियान चलाइएको सदस्य सचिव डा प्रदीप ढकालले जानकारी दिए।

पशुपतिलाई उदाहरणीय देवस्थलका रुपमा स्थापित गर्ने अभियानमा कोष लागेको उनको भनाइ छ। पशुपति पश्चिम ढोकाअघि शुरु भएको सफाइ मन्दिर क्षेत्र, सूर्यघाट, आर्यघाट, वाग्मती नदी किनार र वनकाली क्षेत्रमा आज सकिएको कोषका सुरक्षा अधिकृत गौरीशंकर पराजुलीले बताए। सफाइसँगै पशुपति परिसरमा रङ्गरोगनसमेत भइरहेको छ । 

यस वर्ष खेम्स क्लिनिङ, वाग्मती सफाइ महाअभियान र कोषको सहकार्यमा छ महिनादेखि पशुपति क्षेत्र सफाइ भइरहेको छ । सफाइसँगै ढुंगामा समेत पालिस लगाएर टल्काइएको कोषले जनाएको छ ।

सफाइमा कोषका कर्मचारी, नेपाली सेनाको कालीप्रसाद गण, नेपाल प्रहरीको पहरा गण, सशस्त्र प्रहरी बलको विपद् व्यवस्थापन गण, खेम्स क्लिनिङ, मानवसेवा आश्रमलगायत संस्थाको संस्थागत सहभागिता थियो । सफाइमा पशुपतिमा पूजा एवं दर्शनका लागि आएका भक्तजन पनि सहभागी थिए । विसं २०४४ वैशाख शुक्ल तृतीया अर्थात् अक्षय तृतीयाका दिन स्थापित कोषले बुधबार ३२ वार्षिकोत्सव मनाउँदैछ । रासस

 अवैध गर्भ फाल्न खोज्दा झन्डै गयो ज्यान

पाँचथर,९ वैशाख । औषधि सेवन गरेर ७ महिनाको गर्भ फाल्न खोज्दा पाँचथरकी एक युवतीको झन्डै ज्यान गएको छ । उनले चारदिन अघि घरैमा गर्भ फाल्ने औषधि सेवन गरेकी

पूर्व प्रधानमन्त्री कोइरालाको नाममा युवा लक्ष्यित ‘सुशील श्री पुरस्कार’ स्थापना

काठमाडौँ, ९ वैशाख ।  सुशील कोइराला मेमोरियल फाउण्डेसनले भोलिको नेपालको मार्गचित्र निर्माणमा युवालाई प्रत्यक्ष रुपमा सरिक गराउने उदेश्यले एक लाख

सुख्खा रानीपोखरीमा साढे दुई करोड व्यर्थ खर्च

काठमाडौँ, ९ वैशाख । रानीपोखरी पुनःनिर्माणका क्रममा अहिलेसम्म रु दुई करोड ५० लाख सकिएको छ । विसं २०७२ को भूकम्पका कारण पूर्ण रुपमा क्षति पुगेको

 व्यानरको बिवादमा एमाले माओवादीवीच चर्काचर्की

काठमाडौं,९ वैशाख । एकताको सन्देश दिन आयोजना गरिएको पहिलो कार्यक्रममै एमाले र माओवादीका कार्यकर्तावीच तिक्तता प्रदर्शन भएको छ। कार्यकर्ताहरुलाई