आतङ्कवादी कमाईको लगानी भित्रिने जोखिम

काठमाडौं । अघिल्लो साता राष्ट्र बैंकले विदेशी वित्तीय संस्थाबाट लगानी गर्न ऋण ल्याउन दिन स्वीकृती दिएसँगै उत्साहजनक रुपमा बढेको नेप्से परिसुचक यो हप्ताको अन्त्यमा पनि केहि हदसम्म सकारात्मक रुपमै रह्यो । 

अघिल्लो शुक्रबार १२५०.३९ मा रहेको नेप्से परिसुचक आइतबार एकै दिनमा ४४.२६ अंकले बढेर १२९४.६५ मा पुगेको थियो । सोमबार र मंगलबार क्रमश ६.८७ र १७.५५ अंकले घटेको परिसूचक बिहिबार र शुक्रबार क्रमशः ३.१ र ४.२२ अंकले बढेर १२७७.५५ अंकमा पुगेको छ । श्वेत्रपत्र जारी भएपछि तर्सिएको बजार अहिले सामान्य बन्ने क्रममा छ ।

यस साता नेपाल स्टक एक्सचेन्जमा १८३ कम्पनीहरुको कारोबार भएको छ । जस अनुसार ३६७०५ कारोबारबाट दुई अर्ब ९५ करोड २९ लाख ८९ हजार रुपैयाँ बराबरका ८१ लाख ९८ हजार ९ सय कित्ता सेयरहरु खरिद बिक्री भएका छन् । कारोबार रकम गत साताको भन्दा ७३.९३ प्रतिशतले कम हो । गत साता १८० कम्पनीहरुको कारोबार भएको थियो । जस अनुसार २७६३३ कारोबारबाट एक अर्ब ६९ करोड ७७ लाख ९२ हजार रुपैयाँ बराबरका ५४ लाख ५० हजार २ सय ६० कित्ता सेयरहरु खरिद बिक्री भएका थिए । ‘क’ वर्गका कम्पनीहरुको कारोबार मापन गर्ने सेन्सेटिभ परिसूचक पहिलो दिनको तुलनामा २.६४ अंकले घटेर २७२.४५ अंकमा आईपुगेको छ ।

कुल ५ दिन कारोबार भएको यस साता कारोबार रकम (१२ करोड २९ लाख ४० हजार रुपैयाँ) को आधारमा बैंक अफ काठमान्डू लिमिटेड (संस्थापक) अग्रस्थानमा रहेको छ । त्यसैगरी कारोबार भएको सेयर संख्या (पाँच लाख ८० हजार कित्ता) को आधारमा पनि बैंक अफ काठमान्डू लिमिटेड (संस्थापक) अग्रस्थानमा रहेको छ । त्यसैगरी कारोबार संख्या (१५४९ वटा) को आधारमा प्रिमियर इन्स्योरेन्स अग्रस्थानमा रहेको छ ।

यो साता सूचिकरण विभिन्न ९ संस्थाको हकप्रद र बोनस शेयर सूचीकृत भएको छ । प्रुडेन्सियल इन्स्योरेन्सको हकप्रद सुचीकृत भएको छ भने जानकी फाइनान्स कम्पनी लिमिटेड, सनराइज बैंक लिमिटेड, अपि पावर कम्पनी लिमिटेड, नागवेली लघुवित्त विकास वैंक लिमिटेड, सिभिल लघुवित्त वित्तीय संस्था, तिनाउ विकास बैंक लिमिटेड, लुम्बिनी जनरल इन्स्योरेस कम्पनी र प्राइम कमर्सियल बैंक लिमिटेडको बोनस शेयरहरु सुचीकृत भएको हो ।

त्यसैगरी नेपाल धितोपत्र बोर्डले बैशाख १ गतेदेखि लागु हुने गरिु सम्पत्ति शुद्धीकरण तथा आतङ्कवादी क्रियाकलापमा वित्तीय लगानी निवारण निर्देशिका २०७४ जारी गरेको छ । नेपाली वित्तीय बजारमा आतङ्कवादी कार्यबाट आउने लगानी रुपको विकृत्तिलाई निरुत्साहित गर्न उक्त निर्देशिका जारी भएको हो ।  

मार्सीको भात: नीतिगत भ्रष्टाचारकोे राष्ट्रिय ‘ब्राण्ड’

उच्च हिमाली भेगमा फल्ने धानको नाम हो मार्सी । मार्सी धानको चामलको भातको एउटा विशेषता हो जति खाए पनि पेटलाई गरुङ्गो नबनाउने, छिटै पचिहाल्ने र खाइसेको

गत वर्ष रु ७० मा बेचेको आँपको मूल्य यसवर्ष प्रतिकिलो रु १०, निरास छन् किसान

बर्दिबास, ३२ असार । महोत्तरी जिल्लामा यसपालि आँपको उचित मूल्य नपाउँदा यहाँका किसान निरास भएका छन् । मुख्य व्यवसाय नै आँप खेती रोजेका जिल्लाका किसान

अब सुविधासम्पन्न बसमा सौराहा–पोखरा–सौराहा, भाडा १५००

  चितवन, ३२ असार । सौराहा–पोखरा–सौराहा रुटका लागि सुविधासम्पन्न पर्यटक बस सञ्चालनमा आउने भएको छ । पोखरा जगदम्बा ट्राभल्सले मंगलबारदेखि दैनिक

वायुसेवा निगममा साढे ६ अर्बको छटपटी, कंसाकारलाई चिट्चिट् पसिना

काठमाडौं । नेपाल वायुसेवा निगमले एअरबसद्धारा निर्मित ३३० २०० सेरिजको वाइडबडीको जहाज आफ्नो बेडामा भित्र्याएको दुई हप्तापछि यसका अनौठो प्रेस