आफु पढेको स्कुललाई दिए पूर्व विद्यार्थीले एक करोड ३३ लाख  


 म्याग्दी, २ वैशाख । रघुगंगा गाउँपालिका–१ बेगमा रहेको महादेव माविलाई प्रवासमा रहेका पूर्व विद्यार्थीको पहलमा एक करोड ३३ लाख आर्थिक सहयोग प्राप्त भएको छ । 

विद्यालयको ५० औँ स्थापना दिवसको अवसरमा नेपाल, बेलायत, हङ्कङ, कोरिया, जापान, अमेरिका, साउदी, कतारका साथै पोखरा, काठमाडाँैमा रहेका पूर्व विद्यार्थीले संकलन गरेको एक करोड ३३ लाख शनिबार उपलब्ध गराइएको हो । 

स्वर्ण जयन्तीको अवसरमा विद्यालयमा आयोजित कार्यक्रममा बेगखोला कल्याणकारी समाजका अध्यक्ष योगकुमार फगामीले महिला बालबालिका तथा ज्येष्ठ नागरिक मन्त्री थममाया थापामार्फत व्यवस्थापन समितिका अध्यक्ष नरसिङ पुनलाई सो रकम उपलब्ध गराए। 

विसं २०२५ मा औपचारिक रुपमा स्थापना भएको विद्यालयको भवन पुरानो र जीर्ण भएकाले सुविधा सम्पन्न भवन निर्माण र गुणस्तर सुधार गर्ने उद्देश्यले सञ्चालित सहयोग संकलन अभियान जारी रहेको एनआरएनए बेलायतका अध्यक्षसमेत रहेका फगामीले बताए। 

स्वर्ण जयन्तीको अवसरमा मन्त्री थापाले विद्यालय भवनको शिलान्यास गरे। कक्षा कोठा, कम्प्युटर, प्रयोगशाला, पुस्तकालय, प्रशासनिक कक्षसहितको १५ कोठे भवन निर्माण गर्ने योजना रहेको छ । कक्षा १० सम्म पठनपाठन हुने विद्यालयमा हाल १७० जना विद्यार्थी अध्ययनरत रहेका प्रअ धनबहादुर फगामी विनोदले बताए। 

यसअघि विद्यालयमा कम्प्युटर कक्षा सञ्चालन, निजी स्रोतका शिक्षकलाई तलब, उत्कृष्ट शिक्षक, विद्यार्थीको प्रोत्साहनका लागि प्रवासीले रु ३२ लाखको अक्षयकोष स्थापना गरेका थिए । यसैगरी बेगखोला घर भई हाल बेलायतमा बस्दै आउनुभएका पदमबहादुर पुर्जाले नौ थान ल्यापटप सहयोग गरेका छन्। उनले यसअघि पाँच थान ल्यापटप उपलब्ध गराएका थिए।

प्रवासमा रहेका बेगखोलावासीको अगुवाइमा चार वर्षअघि  एक करोड २५ लाखको लागतमा बेगखोला बेग र तिप्ल्याङ बादुक सडक निर्माण भएको थियो । स्वर्ण जयन्तीको उद्घाटनपछि मन्त्री थापाले गाउँको विकासका लागि प्रवासमा रहेका बेगखोलावासीले उदाहरणीय काम गरेको बताए।

स्वर्ण जयन्तीको अवसरमा चन्दादाता, पूर्व प्रध्यानाध्यापक र व्यवस्थापन समितिका पूर्व अध्यक्षलाई सम्मान गरिएको थियो । रासस

 खुला विश्वविद्यालयले कानुन र व्यवस्थापन पनि पढाउने

काठमाडौँ, ३१ असार । खुला विश्वविद्यालयले व्यवस्थापन तथा कानून संकायअन्तर्गत थप चारवटा कार्यक्रम सञ्चालन गर्ने भएको छ ।  विश्वविद्यालयप्रति

 \'ओलीको निर्देशनमा अपराधीलाईजस्तो मलाई छापामार शैलीमा समातियो\'  

काठमाडौं, २४ असार । नेपाल संस्कृत विश्वविद्यालयका उपकुलपति प्रा. डा. कुलप्रसाद कोइरालाले प्रधानमन्त्री केपी शर्मा ओलीको ठाडो निर्देशनमा

उच्च शिक्षाका नाममा ४० अर्ब रूपियाँ विदेशिने अवस्था

काठमाडौं, २१ असार । विश्वविद्यायलको शैक्षिक गुणस्तर सुधार विद्यार्थीको विदेश पलायन रोक्ने अनिवार्य सर्त भएको विज्ञहरू बताउँछन्। नेपाली

परीक्षा नियन्त्रक रेग्मीलाई कारबाही, नियन्त्रकको जिम्मा काप्रीलाई

माध्यमिक शिक्षा परीक्षा (एसइई) कक्षा १० को परीक्षाफलमा देखिएका प्राविधिक त्रुटिबारे छानबिन गर्न गठित समितिको प्रतिवेदनका आधारमा परीक्षा नियन्त्रण