धनगढिले यसरी हात पार्यो डिपिएल उपाधी

काठमाडौं । काठमाडौं गोल्डेन्सलाई २१ रनले हराउँदै धनगढि चौराहाले धनगढी प्रिमियर लिग (डिपिएल) को उपाधि हात पारेको छ । उपाधिसँगै धनगढिले २५ लाख नगद पुरस्कार पनि हात पारेको छ । उपविजेता काठमाडौंले पनि १० लाख पुरस्कार हात पारेको छ । तेश्रो स्थानमा रहेको महेन्द्रनगरले ३ लाख र चौथो स्थानमा रहेको अत्तरियाले २ लाख पाएको छ । यससँगै डिपिएलको दुबै संस्करणको उपधि धनगढिले जितेको छ । अघिल्लो संस्करणको फाइनलमा धनगढिले विराटनगरलाई हराएको थियो ।

टस जितेर ब्याटिङ गर्ने निर्णय गरेको धनगढिले सुनिल धमला र रोहन मुस्तफाको शानदार इनिङसँगै निर्धारित २० ओभरमा ४ विकेट गुमाउँदै १८१ रन बनाउन सफल भयो । आक्रामक इनिङ खेलेका धमलाले ३ छक्का र ८ चौका सहित ७८ रन बनाए त्यसैगरि मुस्तफाले ४ चौका र ४ छक्का सहित ४२ बलमा ६० रन बनाएपछि धनगढिको बिशाल स्कोर बनेको थियो । मुस्तफा र धमलाले संयुक्त रुपमा १५ ओभर लगातार खेल खेलि १४२ रनको किर्तिमानी साझेदारी गरेका थिए । 

काठमाडौंका बलरले अस्फाक अहमदलाई व्यक्तिगत ४ रन बनाउँदा आउट पारेपनि मुस्तफा र धमलाको विकेट लिन नसक्दा खेलमा कुनैबेला पनि पकड जमाउन सकेनन् । काठमाडौंका लागि सुबोध भाटीले ४ ओभरमा १७ रन दिंदै २ विकेट लिए भने सन्नी पटेलले १ विकेट आप्mनो नाममा राखे ।

जवाफी ब्याटिङ गरेको काठमाडौंले दोश्रो ओभरको अन्तिम बलमा सुबोध भाटीलाई गुमाएपछि सुरुवातमै तिब्र रन जोड्ने सपनामा ठेस पुगेको थियो, हिजोको खेलमा भाटीले १८ बलमै ५२ रनको इनिङ खेलेका थिए । धनगढिका ललित सिंह भण्डारीले भाटीलाई बोल्ड आउट गरेका थिए । दोश्रो विकेटको लागि अमित श्रेष्ट र पुष्प थापाले ५४ रनको साझेदारी गरेका थिए । दोश्रो विकेट पतन सँगै कुनै टोस साझेदारी गर्न नसकेको काठमाडौंका लागि कप्तान ज्ञानेन्द्र मल्लले १ चौका र २ छक्का सहित २७ बलमा ३० रन जोड्ने क्रममा जितको आशा पलाएपनि ज्ञानेन्द्रको विकेट पतनसँगै काठमाडौंको उपाधि कब्जा गर्ने सपना लगभग समाप्त भएको थियो । काठमाडौंका लागि ओपनर अमित श्रेष्ठले ३९ बलमा ३ छक्का र ७ चौका सहित टोलीको सर्वाधिक ५८ रन बनाए । सन्नी पटेलले १२ बलमा २२ रन बनाए । त्यस्तै नरेश बुढाऐर र पुष्प थापाले क्रमशः १९ र १५ रन बनाए । 

धनगढिको लागि लेप्mट आर्म पेसर ललित सिंह भण्डारीले ४ ओभरमा २२ रन खर्चिदै ३ विकेट लिए । रोहन मुस्तफाले ४ ओभरमा ४६ रन खर्चिदैं महँगो साबित भएपनि महत्वपूर्ण २ विकेत हात पारे । सम्साद शेख र योगेन्द्र सिंह कार्कीले १÷१ विकेट हात पारे । प्रतियोगिताभर अलराउन्ड प्रदर्शन गरेका युएईका कप्तान समेत रहेका धनगढिका रोहन मुस्तफा म्यान अफ द फाइनल तथा प्लेयर अफ द सिरिज पनि घोषित भए । मस्ट भ्यायुएवल खेलाडि भइ गोल्डेन जुत्ता जित्ने सौभाग्य धनगढिका ललित सिंह भण्डारीलाई प्राप्त भयो ।

उत्कृष्ट पाँच ब्याटिङ प्रदर्शन

क्र.सं.    खेलाडि                        खेल    कुल रन    एभरेज रन प्रतिखेल    स्ट्राइक रेट    उत्कृष्ट इनिङ    ५० रन    १०० रन
१.    ज्ञानेन्द्र मल्ल - (काठमाडौं)    ७    २४८ रन    ४१.३३     १३१.९१     ६८ नटआउन    २ पटक    छैन
२.    अमित श्रेष्ठ - (काठमाडौं)    ७    २४२ रन    ४०.३३    ११६.३४    ८१ नटआउट    २ पटक     छैन
३.    सुनिल धमला - (धनगढि)    ७    २२९ रन    ३८.१६    १०६.५१    ७८    २ पटक     छैन
४.    रोहन मुस्तफा- (धनगढि)    ६    १९८ रन    ३३    १२१.४७    ६०    १ पटक    छैन
५.    बबर हायात - (विराटनगर)    ५    १८६ रन    ३७.२    २००    ६७    २ पटक    छैन

उत्कृष्ट पाँच बलिङ

क्र.सं.         खेलाडि                        खेल    ओभर         विकेट    मेडन    उत्कृष्ट बलिङ
१.    ललित सिंह भण्डारी - (धनगढि)     ७    २६ ओभर    १४      शुन्य    ४/३७
२.    सन्नी पटेल - (काठमाडौं)              ८    २९ ओभर     १३    १    ६/१०
३.    रसिद खान - (काठमाडौं)              ८    २५.३ ओभर    ११    १    ४/६
४.    शुभांकर उराव - (अत्तरिया)           ५    १३.२ ओभर    १०    १    ३/७
५.    कमल सिंह ऐरी - (अत्तरिया)           ५    १६ ओभर      ९    शुन्य    ४/१५

 लण्डनमा नेपाली टिमले ४ अभ्यास खेल खेल्ने

काठमाडौं, २ साउन । मेरिलेबोन क्रिकेट क्लब (एमसीसी) र नेदरल्याण्ड्स विरुद्धको त्रिकोणात्मक सिरिज तथा नेदरल्याण्ड्स विरुद्धको एकदिवसिय सिरिज खेल्नु

क्रिकेटर शक्ति गौचनले गरे सन्यास घोषणा

काठमाडौं, २ साउन । नेपाली भेटरान स्पीनर शक्ति गौचनले आज एक कार्यक्रममा नेपाली क्रिकेटबाट सन्यासको घोषणा गरेका छन् । एमसीसी र नेदरल्याण्ड्स जाने

जार्कातामा हुने एसियाली खेलमा के के छन् नेपाली खेल

 काठमाडौँ, २ साउन । एसियाली महादेशको सबैभन्दा ठूलो प्रतियोगिताका रुपमा मानिएको १८औँ एसियाली खेलकूदमा यसपटक नेपालबाट चार नयाँ खेलले स्थान पाएका छन्

फ्रान्स र क्रोएसियाका फुटबल खेलाडीलाई सर्वोच्च सम्मान र स्वागत

पेरिस । रुसको मस्कोमा भएको विश्वकप फुटबल प्रतियोगिताको विजेता फ्रान्सका फुटबल टोलीलाई देशकै सर्वोच्च सम्मान ‘लिजन दि अनर’ प्रदान गरिने भएको छ