रहेनन् चर्चित वैज्ञानिक हकिन्स

काठमाडौं,३० फागुन । विश्व चर्चित वैज्ञानिक स्टीफन हकिंसको ७६ वर्षको उमेरमा निधन भएको छ । उनको बुधबार बिहान क्याम्ब्रिजस्थित घरमै निधन भएको परिवारले जनाएको छ । उनी यस्तो रोगबाट पिडित थिए जसले गर्दा उनी आफै हिडडुल गर्न सक्दैनथे । शारिरीक अशक्तताका बाबजुद उनले विज्ञानको क्षेत्रमा निकै ठूला अध्ययन अनुसन्धान गरेका थिए । उनले सापेक्षता, ब्ल्याक होल र बिग ब्याङ सिद्धान्त बुझ्नका लागि निकै महत्वपूर्ण भूमिका निर्वाह गरेका थिए । 

स्टीफनको जीवनका महत्वपूर्ण घटना

सन १९४२ जनवरी ८ मा उनको जन्म बेलायतको अक्फोर्डमा भएको थियो । सन १९५९ मा उनी नेचुरल साइन्स अध्ययनका लागि अक्फोर्ड विश्वविद्यालय गएका थिए । त्यसपछि पिएचडी गर्नका लागि उनी क्याम्ब्रिज गएका थिए । सन १९६३ मा उनी मोटर न्यूरनबाट पिडित भएका थिए । त्यतिबेला उनी दुई वर्षसम्म बाच्न सक्छन् भन्ने अनुमान गरिएको थियो । सन १९८८ मा उनको किताब ए ब्रिफ हिस्ट्र अप टाइम प्रकाशित भएको थियो । यो एक करोड भन्दा बढी बिक्री भएको थियो । सन २०१४ मा उनको जीवनमा आधारित दि थ्योरी अफ एभ्रिथिंक चलचित्र बन्यो जसमा एडी रेलम्यानले उनको भूमिका निर्वाह गरेका छन् ।  उनले वैज्ञानिक र विज्ञानका क्षेत्रसँग सम्बन्धित कैयाँै चर्चित पुस्तक लेखेका छन् । जसमध्य ए ब्रिफ हिस्ट्री अफ टाइम निकै चर्चित बन्यो । उनका छोरा छोरी लुसी, रोवर्ट र टिमले आफ्नो बाबुको निधन भएको पुष्टि गर्दै दुःख व्यक्त गरेका छन् । उनीहरुले स्टीफनलाई क्षमतावान वैज्ञानिक र असाधारण मानिस भन्दै आगामी कैयाँै वर्षसम्म पनि उनको कामका कारण जीवतै रहने बताएका छन् । 

ब्रह्माण्ड बुझ्न महत्वपूर्ण भूमिका 

सधै ह्लि चियरको सहयोगले काम गर्ने स्टीफनले शारीरिक क्षमतालाई पछाडी छोड्दै इच्छा शक्ति भएमा मानिसले जे पनि गर्न सक्छ भन्ने पुष्टि गरेका थिए । उनले  आफ्नो अनुसन्धानका बारेमा भनेका थिए, ‘मलाई सबैभन्दा धेरै खुसी यस कुरामा छ कि मैले ब्रह्माण्डलाई बुझन आफ्नो भूमिका निर्वाह गरेँ, यसको रहस्य मानिसहरुलाई जानकारी गराएँ र यसबारेमा गरिएका अनुसन्धानमा आफ्नो योगदान दिन पाउँ, मलाई गर्व महसुस हुन्छ जब मानिसहरुको भिडले मेरो काम जान्न चाहन्छ ।’  बीबीसी समाचारबाट 

 कङ्कर रेल जोगवनी हिँड्यो,अब भाडा र समयको बचत हुने

  काठमाडौँ, १३ वैशाख । पूर्वी नेपालका उद्योगी व्यवसायीले तेस्रो मुलुकबाट आयात गरेका औद्योगिक कच्चा पदार्थ एवं अन्य मालसामान ढुवानी गर्ने कङ्कर

 एकजना पनि विद्यार्थी भर्ना नभएपछि विद्यालय नै बन्द

रामपुर, पाल्पा, १३ वैशाख ।  पाल्पाको रम्भा गाउँपालिका–२ फोक्सिङकोटमा विद्यार्थी भर्ना शून्य भएपछि एक विद्यालय बन्द गरिएको छ ।  सिद्ध प्राथमिक

संवैधानिक इजालासले ५० मुद्दा फर्स्यायो 

काठमाडौँ, १३ वैशाख । सर्वोच्च अदालतको संवैधानिक इजलासमा अहिलेसम्म ५० वटा मुद्दा मात्र फछ्र्योट भएको छ ।  सर्वोच्च अदालतका प्रवक्ता नारायणप्रसाद

अपराध नियन्त्रण पहिलो प्राथमिकताः महानिरीक्षक खनाल

चितवन, १३ वैशाख । नेपाल प्रहरीका महानिरीक्षक सर्वेन्द्र खनालले अपराध नियन्त्रण संगठनको पहिलो प्राथमिकता भएको बताएका छन् । पत्रकारहरुसँग कुराकानी