विद्या भण्डारी दोस्रो कार्यकालका लागि राष्ट्रपतिमा निर्वाचित

काठमाडौ, फागुन २९

 विद्या भण्डारी दोस्रो कार्याकालका लागि पुनः राष्ट्रपतिमा निर्वाचित भएकी छन्।  सत्तारुढ दल नेकपा एमालेका तर्फबाट राष्ट्रपतिमा उम्मेद्वारी दिएकी भण्डारीले मंगलबार भएको राष्ट्रपति निर्वाचनमा ३९ हजार २ सय ७५ मतभार प्राप्त गरेर विजयी भएकी हुन् ।

 भण्डारीकी प्रतिस्पर्धी नेपाली कांग्रेसकी उम्मेद्वार कुमारी लक्ष्मी राईले ११ हजार ७ सय ३० मतभार प्राप्त गरेकी छिन् । मंगलबार बिहान  बिहान १० बजेदेखि अपराह्न ३ बजेसम्म चलेको निर्वाचनमा कुल ८ सय ८० मत मध्ये ८ सय ६२ मत खसेको थियो। संघीय संसद तथा  प्रदेशसभा सांसदले मतदान गर्न पाउने निर्वाचनमा एक जना संघीय सांदको मतभार ७९ र प्रदेशसभा सांसदको मतभार ४८ तोकिएको थियो । 

राष्ट्रपति भण्डारी  स्वर्गीय नेता मदन भण्डारीकी धर्मपत्नी हुन्। नेकपा एमालेमा सकृय राजनीति गरेकी भण्डारीले नेपाल सरकारको जनसंख्या तथा वातावरण र रक्षामन्त्रीको समेत जिम्मेवारी सम्हालिसकेकी छिन् । उनलाई विश्व प्रसिद्ध पत्रीका फोर्ब्सले बर्ष २०१६का शक्तिशाली महिलाहरु मध्ये ५२औं स्थानमा सूचिकृत गरेको थियो ।

भोजपुर क्याम्पसमा आइ.ए.अध्ययनसँगै २०३५ देखि नेकपा मालेको युवा लिगमा संगठित हुदै सक्रिय राजनीतिमा लागेकी भण्डारी २०५४ सालमा नेपालगन्जमा भएको एमालेको छैटौं महाधिवेशनदेखि एमालेको केन्द्रीय कमिटीमा निर्वाचित भएकी थिइन ।  

करिब २ दशकदेखि उनी पार्टीको भ्रातृ संगठन अखिल नेपाल महिला संघकी अध्यक्ष समेत थिइन । २०६५ सालमा बुटवलमा भएको आठौं र काठमाडौंमा भएको नवौं महाधिवेशनबाट भण्डारी एमालेको केन्द्रीय उपाध्यक्षमा निर्वाचित भएकी थिइन् । । 

निर्वाचन मिति तोक्ने अधिकार आयोगमा हुनुपर्ने माग

विराटनगर, ८ असार ।  निर्वाचन आयोगले आगामी दिनमा निर्वाचनको मिति तोक्ने अधिकार आफूलाई दिनुपर्ने माग गरेको छ ।  विहिबार आयोजित प्रदेश नं १ को

लुटेरा तामाङमाथि दुई गोली दागियो 

काठमाडौँ, ८ असार । काठमाडौँको बौद्धमा लुटेरालाई नियन्त्रणमा लिने क्रममा गोली चलेको छ ।  महानगरीय अपराध महाशाखाको टोलीले लुटपाटमा संलग्न खुडे

 काँग्रेस नेता भट्टराईलाई मस्तिष्कघात, नर्भिकमा उपचार हुँदै

काठमाडौं, ७ असार । नेपाली काँग्रेसका नेता मनमोहन भट्टराईको मस्तिष्कघातपछि नर्भिक अन्तर्राष्ट्रिय अस्पतालमा उपचार भइरहेको छ ।  स्वास्थ्यमा

 प्रधानमन्त्री ओलीलाई चीनमा \'गार्ड अफ अनर\'

   बेइजिङ, ७ असार । चीनको औपचारिक भ्रमणमा रहेका प्रधानमन्त्री केपी शर्मा ओलीलाई गार्ड अफ अनर प्रदान गरिएको छ ।  भ्रमणको आज तेस्रो दिन ग्रेट हल अफ