उत्तर कोरियासँगको वार्तामा ‘कुटनीतिक खतरा’रहेको हिलारीको चिन्ता

द हेग, नेदरल्याण्ड, २६ फागुन । अमेरिकी डिमोक्रेटिक पार्टीका नेता तथा पूर्व अमेरिकी विदेश मन्त्री हिलारी क्लिन्टनले ट्रम्प प्रशासनले प्योङयाङसँग आणविक निशस्त्रीकरणका बिषयमा वार्ता गर्दाको खतरा महशुस नगरेको बताएकी छिन्। 

उनले उक्त वार्तालाई मध्यस्थता गने अनुभवी कुटनीतिज्ञको चयन गर्न वासिङ्टनले आवश्यक तयारी नगरेको बताईन्। 

पूर्व विदेशमन्त्री क्लिन्टनले डच पत्रिका अल्गेलिन ड्यागब्लाडसँगको अन्तर्वार्तामा भनिन्, “यदि तपाई किम जोङ अनसँग आणविक हतियारका बिषयमा वार्ता गर्न चाहनुहुन्छ भने अनुभवी कुटनीतिज्ञको खाँचो छ ।” 

वार्तामा सहभागी हुने उत्तर कोरियाली सदस्य विश्वको कानून तथा राजनीतिका ज्ञाता हुनेछन् तर कुन अमेरिकीले उनीहरूको भाषा बुझ्न सक्छ, उनले भनिन्। 

क्लिन्टनले भनिन्, “अमेरिकी विदेश विभागलाई पछिल्लो समय कमजोर बनाइएको छ जसका कारण उत्तर कोरियाली बिषयमा वार्ता गर्न विभागमा विशेषज्ञको अभाव छ । किनकि धेरै अनुभवी कुटनीतिज्ञले विभाग छोडिसकेका छन् ।” 

उनले थप भनिन्, “कुटनीतिज्ञविना वार्तामा निखार ल्याउन सम्भव छैन । यो खतरालाई ट्रम्प सरकारले बुझेको जस्तो मलाई लाग्दैछैन ।” 

क्लिन्टनको भनाई संयुक्त राष्ट्रसंघका लागि पूर्व अमेरिकी राजदूत बिल रिचार्डसनले भनेजस्तै उत्तर कोरियासँग वार्ता गर्ने कुरा टेलिभिजन कार्यक्रममा कुरा गरेजस्तो नभएको भन्ने प्रतिक्रियासँग मिल्ने गरी आएको छ । 

यो वास्तविक मौका हो । मलाई राष्ट्रपति वार्ताका लागि आवश्यक तयारी नगरेको तथा अनुशासनहिनता देखेर दुःख लागेको छ, रिचार्डसनले यसै सन्दर्भमा गत शुक्रबार एएफपीसँग बताए। 

रिचार्डसनले भने, “तर यो ‘तालिम लिने’ वा ‘प्रत्यक्ष टेलिभिजन कार्यक्रम’ होइन । यो एक तरङ्गी नेता, जससँग कम्तिमा २० आणविक हतियार छन् र यसको आडमा अमेरिकालाई धम्की दिइराखिएको छ, सँग गरिने वार्ता हो ।” रासस÷एएफ्पी

 अदालतको आदेशपछि कोरियामा कुकुरको मासुको अभाव हुने

\\सोल । दक्षिण कोरियाको एक अदालतले मासुका लागि कुकुर नमार्न आदेश दिएको छ ।  बिहीबार आएको अदालतको यस आदेशलाई यहाँका जनावरको अधिकारको वकालत गरिरहेका

कार्यस्थलमा हुने यौनजन्य क्रियाकलाप चिहाउँदै अस्ट्रेलिया सरकार 

क्यानबेरा, अस्टे«लिया, ६ असार । अष्ट्रेलियामा कार्यस्थलमा हुने यौनजन्य क्रियाकलापहरुको बारेमा अनुसन्धान सुरु गरिएको छ ।  अष्ट्रेलियाले विश्वमा

 उत्तर कोरियाली नेता किम चीन जाँदै

बेइजिङ, ५ असार । उत्तर कोरियाली नेता किम जोङ उन मङ्गलबार चीन जान लागेको खबर छ । उनी दुई दिने भ्रमणका लागि मङ्गलबार बेइजिङ जान लागेका हुन्।  सो कुराको

 युद्ध अन्त्यको घोषणागर्दै दुई कोरिया

सोल, ४ असार । उत्तर र दक्षिण कोरियाले बिगत लामो समयदेखि उनीहरुबीच जारी घोषित युद्ध अन्त्यको घोषणा गर्ने भएका छन् ।  यसै वर्षको अन्त्यतिर उसले युद्ध