‘जिउँदो आकाश’ अब भारतको दिल्ली र गुहाटीमा

‘काठमाण्डौं २१ फागुन । तेस्रोलिंगीको भावना समेटिएको नाटक ‘जिउँदो आकाश’ काठमाडौंमा पुन मञ्चन सकेर अब दिल्ली र गुहाटीमा हुने मञ्चनको तयारीमा जुटेको छ । सर्वनाम थिएटरमा केही महिना अघि मञ्चन भएको नाटकको दोस्रो मञ्चन पनि उत्साहजनक नै  थियो ।  
फागुन २८ गते भारतको गुहाटीमा नाटक मञ्चन भएपछि  दिल्ली स्थीत नेशनल स्कुल अफ ड्रामामा आयोजना हुन लागेको आठौँ अन्तर्रािष्ट्रय ओलम्पिक ड्रामा फेस्टिबलमा नाटक मञ्चन हुनेछ ।
‘जिउँदो आकाश’ गतवर्ष पहिलो पटक दोलखाको चरिकोटमा मञ्चन भएको थियो । तेस्रोलिंगीले पनि आम मान्छे जस्तै जन्म लिने हुन् । तर सामाजिक चेतना स्तर कमजोर भएका कारण उनीहरू अन्य सरह स्वतन्त्र भएर बाँच्न पाइरहेका छैनन् ।
तेस्रोलिंगीको कथा समेटिएको तथा अनिल सुव्बाको एकल अभिनय रहेको नाटकलाई चन्द्रप्रसाद पाण्डेले लेखेका हुन ।  आर के मेहता रोशनको निर्देशन तथा परिकल्पना रहेको नाटकको निर्माण भने सम्रान्त थापा र टंक टाइगर (संग्रौला) ले गरेका हुन् । 
डाँफे थिएटरको प्रस्तुति रहेको नाटकमा विनोद बञ्जारा, विश्व काफ्ले, टंक टाइगर (संग्रौला), सुशान्त चालिसेका संगीत संयोजन रहेको छ भने प्रकाश परिकल्पना मिलन नेपालीको रहेको छ ।
झन्डै एक घण्टा लामो यो नाटकमा अनिलले तेस्रोलिंगीको बालापनदेखि युवा अवस्था सम्मको उतारचढाव र अनुभूतिलाई जीवन्त रूपमा प्रस्तुत गर्ने जमर्को गरेका छन् ।
 

 सारंगी रेटेरै बिताए दिलबहादुरले जीवनका चारदशक 

 ‘आयो गयो फेरियो व्यवस्था ! आफ्नो भने उस्तै छ अवस्था !!    कल्ले के गर्छ ? पाएसी सबैले आफ्नै पेट भर्छ !!' गुल्मीको वडागाउँ घर बताउने ५७ वर्षीय

 कोलकातामा नेपाली ‘उपियाँ’  

काठमाडौँ, ३१ जेठ । भारतको पश्चिम बंगाल राज्यको कोलकातामा ‘अन्तर्राष्ट्रिय बाल नाटक महोत्सव’मा नेपालको तर्फबाट रंगकर्मी केदार श्रेष्ठद्वारा

  ‘सपना हजार’ गीति एल्बम विमोचन

  काठमाडौँ, २६ जेठ । गीति एल्बम ‘सपना हजार’ विमोचन गरिएको छ । डा केशव शर्माको रचना र सन्तोष श्रेष्ठको संगीतमा निर्माण गरिएको उक्त एल्बममा आधुनिक,

राष्ट्रकविको स्वास्थ्यमा सुधार,चाँडै स्वदेश फर्कने

काठमाडौँ । राष्ट्रकवि माधवप्रसाद घिमिरेको स्वास्थ्यमा सुधार आएको छ । भारतको नयाँ दिल्लीस्थित मेदान्त अस्पतालमा उपचाररत घिमिरेको स्वास्थ्यमा सुधार