तनहुँ एक महिनादेखि प्रजिअविहीन 

दमौली, तनहुँ, ३ फागुन । तनहुँ जिल्ला एक महिनादेखि प्रमुख जिल्ला अधिकारीविहीन बनेको छ । तत्कालीन प्रजिअ रितेशकुमार शाक्य गत पुस २८ गते सरुवा भई राष्ट्रिय सतर्कता केन्द्र, काठमाडौँतर्फ लागेपछि तनहुँ जिल्ला प्रजिअविहीन भएको हो । 

प्रजिअविहीन हुँदा जिल्ला प्रशासन कार्यालयबाट हेरिने केही सार्वजनिक अपराध र हातहतियार खरखजाना, कालोबजारसम्बन्धी मुद्दाको फैसला गर्ने कार्य प्रभावित हुँदै आएको बताइएको छ । यतिबेला निमित्त प्रजिअको भरमा जिल्ला प्रशासन कार्य सञ्चालन हुँदै आएको छ । सहायक प्रजिअ तुलसीराम पौडेलले निमित्तका रुपमा गर्ने सबै काम आफूले गरिरहेको बताए । 

केही सार्वजनिक अपराध, हातहतियार तथा खरखजाना, कालोबजारसम्बन्धी मुद्दाको फैसला गर्न भने समस्या परेको बताइएको छ । सेवाग्राहीका कुनै पनि काम नरोकिएको दाबी सहायक प्रजिअ पौडेलले गरे । निमित्तले गर्न मिल्ने जति सबै काम आफूले गरिरहेको उनले बताए । नयाँ प्रजिअका रुपमा कहाँबाट को आउने हो भन्नृ जिल्ला प्रशासन कार्यालयसमेत अनभिज्ञता प्रकट गरिरहेको छ । आर्थिक क्षेत्रको कारोबार र राहतका कार्यक्रम नरोकिएको सहायक प्रजिअ पौडेलले बताए । 

केही वर्षअघि प्रजिअ नहुँदा भूपू सैनिकको सिफारिश रोकिँदै आएको थियो । पछिल्ला वर्षमा पेन्सन क्याम्पसँग समन्वय गरी त्यस्ता सिफारिशहरु प्रजिअ नहुँदा निमित्त प्रजिअले समेत गर्नसक्ने व्यवस्था मिलाएकाले यसपटक त्यस्तो समस्या नरहेको दाबी सहायक प्रजिअ पौडेलको छ । तनहुँ जस्तो जिल्लालाई एक महिनादेखि प्रजिअविहीन बनाएर राख्नु राज्यको गैरजिम्मेवारीपन भएको तनहुँवासी बताउँछन् । रासस

 पृथ्वीनारायण शाहको अहिलेसम्मकै अग्लो शालिक बन्ने

बैतडी, ८ फागुन । जिल्लामा पृथ्वीनारायण शाहको अहिलेसम्मकै अग्लो शालिकको शिलान्यास गरिएको छ ।  दशरथचन्द नगरपालिकाका प्रमुख नरेन्द्र थापाले

प्रमुख प्रतिपक्ष बिच्क्याउँदै ओली सरकार

काठमाडौं,८ फागुन । सरकारको नेतृत्वमा पुगेलगत्तै बाम गठबन्धनको सरकारले प्रमुख प्रतिपक्षलाई बिच्क्याउने काम सुरु गरेको छ । एमाले अध्यक्ष केपी शर्मा

जीप दुर्घटनामा दुईको मृत्यु, पाँच घाइते

बाजुरा, ८ फागुन । बाजुराको बडीमालिका नगरपालिका–८ मा सोमबार साँझ जीप दुर्घटना हुँदा दुईजनाको मृत्यु भएको छ ।  मृत्यु हुनेमा हुम्ला जिल्ला आनन्द

कम्युनिष्ट राजनीतिमा ब्रेक थ्रु, एमाले-माओवादी अब नयाँ दल 

काठमाडौँ, ८ फागुन ।  नेकपा एमाले र नेकपा माओवादी केन्द्र बीच  एकीकरणका प्रारम्भिक सात बुँदे आधारहरुमा सहमति भएको छ ।  प्रतिनिधि सभा तथा प्रदेश