एकता टुङ्ग्याउन बुधबार संयोजन समिति बस्ने

काठमाडौँ, १ फागुन  । एमाले र माओवादी केन्द्रले पार्टी एकतालाई अन्तिम रुप दिन बुधबार पार्टी एकता संयोजन समितिको बैठक बस्ने भएको   छ । 

ललितपुरमा मंगलबार एमाले अध्यक्ष केपी शर्मा ओली र माओवादी केन्द्रका अध्यक्ष पुष्पकमल दाहाल ‘प्रचण्ड’बीच भएको एक्ला एक्लै छलफलका क्रममा सो सहमति भएको हो । 

पार्टी एकतालाई सार्थक निष्कर्षमा पु¥याउने र सरकार गठन अगावै एकीकृत पार्टीको खाका तयार पार्ने लक्ष्यका साथ दुई पार्टीका अध्यक्षद्वयले निरन्तर संवाद गर्दै आएका छन् । 

“पार्टी एकतालाई सरकार गठन अगावै टुंगो लगाउने लक्ष्यका साथ आजको बैठक अत्यन्तै सकारात्मक दिशामा सकिएको छ, बुधबार पार्टी एकता संयोजन समितिको बैठक बस्ने सहमति भएको छ”, अध्यक्षद्वयबीच भएको छलफललाई उद्धृत गर्दै अध्यक्ष दाहालका प्रमुख स्वकीय सचिव जोखबहादुर महराले भने। 

सोमबार अध्यक्ष ओली र अध्यक्ष दाहालबीच पार्टी एकतालाई अगाडि बढाउने सन्दर्भमा दुवै अध्यक्ष नै पार्टीमा रहने गरी मध्यमार्गी प्रस्तावमा सहमति भएको थियो । 

आजको बैठकमा त्यसको खाका, सांगठनिक तथा राजनीतिक वैचारिक विषयमा समेत मतैक्यता कायम गरिएको जनाइएको छ । तर कसरी मतैक्य भयो भन्ने बारेमा भने सार्वजनिक रुपमा केही बताइएको छैन । “सम्भवतः सरकार गठन अगावै पार्टी एकता गर्ने गरी छलफल भएको छ, छलफल असाध्यै सकारात्मक छ”, अध्यक्ष दाहालका स्वकीय सचिव महराले भने। 

गत असोज १७ गते पार्टी एकतासहित वामगठबन्धन गरेका दुई दल एमाले र माओवादीबीच पछिल्लो दिनमा एकताको पक्षमा ठोस प्रगति नभएपछि विभिन्न कोणबाट आशंकाहरु व्यक्त भएका थिए । त्यसो त नेताहरुले वार्ता सहमति नजिक पुगेको बताउँदै आएका थिए । सोमबार र आजको छलफलपछि एकताले मूर्त रुप लिएको बताइएको छ । 

आगामी महाधिवेशनसम्म एमालेले मान्दै आएको जनताको बहुदलीय जनवाद र माओवादी केन्द्रले अंगीकार गरेको माओवाद र जनताको बहुदलीय जनवादमा रहेका समान धारणालाई एकीकृत गर्ने विषयमा समेत नेताहरुबीच सहमति भएको जनाइएको छ । 

यस्तै, पार्टीका शीर्षनेताको विषयमा सहमति भएको छ भने स्थायी समिति, पोलिटब्यूरो र केन्द्रीय समितिमा रहने नेताका सम्बन्धमा पार्टी एकता संयोजन समितिले कार्यदल बनाएर हल गर्ने विषयमा नेताहरुबीच सहमति भएको बताइएको छ । तर यी विषयमा शीर्ष नेताले सार्वजनिक रुपमा केही बताएका छैनन् । 

एकता संयोजन समितिमा एमाले अध्यक्ष ओली, माओवादी केन्द्रका अध्यक्ष दाहाल, एमालेका वरिष्ठ नेता माधवकुमार नेपाल, उपाध्यक्ष वामदेव गौतम, महासचिव ईश्वर पोखरेल र माओवादी केन्द्रका नेताद्वय नारायणकाजी श्रेष्ठ र रामबहादुर थापा सदस्य छन्। –रमेश लम्साल/रासस

 प्रचण्डलाई चिनियाँ राष्ट्रपतिको पुस्तक उपहार : एमाले माओवादी एकतामा यस्तो छ चिनियाँ चासो 

काठमाडौँ, ८ फागुन । एमाले र माओवादी केन्द्रवीच हुँदै गरेको एकिकरणमा चीनको निकै चासो देखिएको छ । यस बिषयमा हाल नेपाल भ्रमणमा रहेका चिनियाँ कम्युनिस्ट

 \'ओली र म दुबै सहअध्यक्ष\': प्रचण्ड

 चितवन, ८  फागुन । माओवादी केन्द्रका अध्यक्ष पुष्पकमल दाहालले अहिलेलाई एमाले अध्यक्ष केपीशर्मा ओली र आफू दुबैजना सहअध्यक्ष रहने सहमति भएको बताएका

 सुरु भयो बाँडफाँड : महरा सभामुख, गृहमन्त्रीमा नेम्वाङ्ग ?

काठमाडौं, ८ फागुन । पार्टी एकताको आधारपत्रमा हस्ताक्षर गरेपछि एमाले र माओवादी केन्द्रका अध्यक्षहरु संवैधानिक पदहरुको बाँडफाँडमा केन्द्रित भएका छन्

ओली सरकार कसरी गिर्छ ? प्रचण्डले हात झिके मधेसवादीको साथ !

काठमाडौं । प्रधानमन्त्री केपी ओलीको सरकार अब कसरी गिर्ला ? प्रश्न उठाईन थालेको छ । नेपालमा ०७ साल यता कुनै पनि प्रधानमन्त्रीले पूरै कार्यकाल सरकार