‘बहिनीभन्दा कान्छा’ बस्न्यात अख्तियारबाट बिदा हुँदै

काठमाडौं,२९ माघ। फागुन २ गतेबाट अनिवार्य अवकाश पाउन लागेका अख्तियार दुरुपयोग अनुसन्धान आयोगका प्रमुख आयुक्त दीप बस्न्यात मंगलबारदेखि घरबिदामा बस्न लागेका छन्।

अन्तर्राष्ट्रिय विमानस्थल भन्सारमा छँदा पहेंलो धातुको कारोबारसँग नाम जोडिएर विवादमा परेका बस्न्यात दुई दुईवटा मुद्दा किनारा नलागी थाँती रहँदै अख्तियारको प्रमुख बन्न सफल एक उदाहरणीय व्यक्तित्व मानिन्छन्।

उनले पूर्व प्रमुख आयुक्त लोकमान सिंह कार्कीले अनुुसन्धानका लागि तयार गरेको रणनीतिको सूचना केही राजनीतिक दलका नेतालाई उपहार दिएकै कारण शक्तिशाली पावर ब्रोकर समूहको सहयोगमा प्रमुख आयुक्तको आशनमा बस्न पुगेको जानकार सूत्रले बताएको छ। 

अख्तियारमा लामो समय सेवा गरिसकेका एक प्रशासकले व्यंगपूर्ण शैलीमा भने – ‘बस्न्यात सर त आफ्नी सहोदर बहिनीभन्दा पनि उमेरमा कान्छा हुनुहुन्छ नि !’ बस्न्यातले सरकारी सेवामा लामो समय योगदान गर्ने उदेश्यले नागरिकतामा उमेर संशोधन गर्दा बहिनी भन्दा कान्छो हुनपुगेको ती प्रशासकको दावी छ।

बस्न्यातले अवकाश पाएपछि मंगलबारदेखि उनका उत्तराधिकारीका रुपमा आयोगका वरिष्ठतम् आयुक्त नवीनकुमार घिमिरेले आयोगको कार्यवाहक प्रमुख आयुक्तको जिम्मेवारी सम्हाल्नेछन्। प्रमुख आयुक्तले अवकाश पाएको अवस्थामा वरिष्ठ आयुक्त कार्यवाहक हुने कानुनी प्रावधान छ। 
सरकारी सेवामा रहँदा स्थानीय निकाय हुँदै गृह र रक्षा सचिबको जिम्मेवारी सम्हालिसकेका घिमिरे एक अनुभवी प्रशासकका रुपमा चिनिन्छन्। 
एमालेको कोटामा आयुक्त नियुक्त भएका घिमिरे बरिष्ठताका आधारमा आयोगको प्रमुख आयुक्त हुने सम्भावना छ।  


 

 धामीले दिएको सल्लाहले रोकिएन सम्बन्ध बिच्छेद  

सल्यान, २९ असार । पछिल्लो समय यहाँ सम्बन्धबिच्छेदका घटना बढेका छन् ।  जिल्ला अदालतका अनुसार एक वर्षका अवधिमा १०० भन्दा बढी सम्बन्धबिच्छेदका मुद्दा

अविरल वर्षातले भक्तपुर र थिमि डुबानमा

भक्तपुर, २८ असार ।  गए राति परेको भीषण वर्षाका कारण हनुमन्ते खोलामा आएको बाढीले भक्तपुर र मध्यपुर डुबानमा परेका छन् ।  हनुमन्ते खोलामा आएको बाढीका

 टिपर दुर्घटनामा ज्यानगुमाएका आमाबाबुको किरिया गर्दै १२ वर्षीय बालक 

पोखरा, २६ असार । झट्ट सुन्दाजस्तै कठोर मनलाई पनि दुःखाउँछ, “बाबाआमाको एकसाथ किरिया गर्नुपर्ने त्यो पनि १२ वर्षकै उमेरमा ।”  मुस्ताङको लो घेकर

  पशुपतिमा मारिएका बालबच्चाको भोटो हेर्ने कसले ?

काठमाडौं, २५ असार । जावलाखेलमा देखाइने भोटो त सबैले हेर्छन् तर पशुपति भुवनेश्वरीमा देखाइने यस्तै महत्वको भोटो हेरिदिने कसले ? शूलजात्राका क्रममा