६७ दिन तड्पाएर एमालेले रणकुमारीका नाम काट्योे 

काठमाडौ, २९ माघ । रणकुमारी मगर ओखलढुंगाको  बिकट मानिएको मानेभन्ज्याङबाट राजनीति शुरु  गरेकी एमालेकी कार्यकर्ता हुन्। नेपाली कांग्रेसको दवदवा भएको ठाँंउमा  एउटी मगरकी छोरीले  राजनीति शुरु गरिन्। 

  उनी साँच्चै नेपाली जनताको प्रतिनिधित्व गर्ने एउटा समुदायको छोरी थिईन्। आफ्नो बिहे भएर सिन्धुली आएपछि उनले सिन्धुलीलाई आधार मानेर काठमाडांैमा सम्पर्क मंचबाट राजनीतिक यात्रालाई निरन्तरता दिईन्। 

पार्टी संघीय संरचनामा गएपछि उनी प्रदेश नं ३ को सम्पर्क समन्वय कमिटीमा सचिव भईन्। यसपटकको प्रतिनिधिसभाको निर्वाचनमा उनी सम्पर्क समन्वय कमिटीबाट जनजाती महिला तर्फ शिफारिसमा भईन् । त्यो पनि ११ नम्बरमा । संयोग कस्तो भने प्रतिनिधिसभाको समानुपातिक निर्वाचन परिणामले उनको संख्यालाई अन्तिम मान्यो।अर्थात् पार्टीले आदीवासी जनजाती महिला तर्फ पाएको ११ औं नम्बरमा उनको नाम थियो। 
मगर लगायत सबैले उनलाई सांसद भएको भन्दै बधाई दिए। उनी ढुक्क थिईन्। 

आईतबार एमाले केन्द्रीय कार्यालयमा १ बजे स्थायी समितिको बैठक बस्नु अघि उनको नाम ११ औं नम्बरमा थियो। तर बैठक सकिँदा उनको नाम काटिईसकेको थियो। उनले आफ्नो नाम काटिनुको कारण नेताहरुसँग सोधिन्। नेताहरुले राष्ट्रिय सभामा आवश्यक भन्दा बढि महिला परेकोले निर्वाचन आयोगको निर्देशन अनुसार नाम काटेको जवाफ दिए।  प्रतिनिधिसभामा १० जना आदिवासी जनजाती महिला भए दुबै सदन गरेर ३३ प्रतिशत पुगेको भन्दै उनको नाम काटिएको थियो। तर निर्वाचन आयोगको निर्देशिका अनुसार ३३ प्रतिशत माथिल्लो रेखा होइन। त्यो तल्लो रेखा हो त्यो भन्दा माथि जति संख्या पुर्याए पनि हुने प्रावधान हो।

 उनको नाम काट्नुको पछाडि एउटै  अर्थ थियो पोलिटब्युरो सदस्य बिजय सुब्बालाई सांसद बनाउनु। बिजय सुब्बा यसअघि पनि सांसद भईसकेका नेता हुन्। अशोक राईले एमाले फुटाएर संघीय समाजवादी पार्टी गठन गर्दा सुब्बा त्यसका उपाध्यक्ष बनेका थिए। उनी एमाले अध्यक्ष केपी शर्मा ओली निकट मानिन्छन्। स्रोतका अनुसार रणकुमारीको नाम महिला कोटाबाट कटाएर बाँकी रहेको ठाँउमा सुब्बाको निर्णय भएको थियो। 

रणकुमारी धेरै नेताको चाकडी नगर्ने , एमालेमा बसेर ईमान्दार काम गर्ने गरेको सहकर्मीहरु बताउँछन्। उनकाबारे पार्टीमा बोली दिने नेता कोही नभएपछि हात लागेको सांसद पद समेत गुमाउनु परेको एमाले नेताहरुको मत छ।

 ६७ दिन अघि एमालेले निर्वाचन आयोगमा बुझाएको समानुपतिक बन्द सूचीमा ११ नम्बरमा उनको नाम परेको थियो। माथिनै नाम परेकाले उनी ढुक्क थिईन्। मगरले भनिन् – ‘यत्रो बर्ष पार्टीमा लगानी गरियो तर ममाथि अन्तिममा आएर षड्यन्त्र गरेर मेरो नाम हटाईयो।’ पार्टीको निर्णयलाई आफुले सम्मान गर्ने बताउँदै पार्टीले आफुहरुलाई सम्मान गर्न नसकेको उनले बताईन्। रणकुमारीका अनुसार काठमाडांैमा कुनै काम पर्दा  कार्यक्रम पर्दा सम्पर्क मंचबाट सक्रियता देखाउनु पर्ने तर अवसर आउँदा चाहि पार्टीले मूल्याङकन  नगर्ने कुराले निरास बनाउँछ। 
 

 कांग्रेसलाई पुनर्जिवित गर्न युवा नेताले यस्तो प्रस्ताव ल्याए

काठमाडौं,११ वैशाख । नेपाली कांग्रेसका ८ जना युवा केन्द्रीय सदस्यहरुले आगामी निर्वाचनमा पार्टीलाई एकल बहुमतको सरकार बनाउने अवस्थामा पुर्याउने

मान्यता विपरित संघीय संसदमा १६ समिति राख्ने चलखेल

नवगठित संघीय संसदमा एकल र संयुक्त गरी १६ वटा संसदीय समिति रहने गरी संसदको नियमावली मस्यौदामा सहमति भएको समितिका सदस्यहरूले बताएका छन्। विगतमा भन्दा

 बैशाख ११ का \'मूख्य अधिकारी\' प्रचण्डलाई वधाई !

 बैशाख ११ गते . . . ! बधाई प्रचण्डजी ! १.२०६२ ६३ को जन आन्दोलनमा गिरिजाप्रसाद कोइराला नेतृत्वको सात दलीय मोर्चा प्रचण्ड नेतृत्वको माओवादीको सैन्य

 ज्येष्ठ नेता गुरुङले फिर्ता लिए देउवालाई दिएको समर्थन

काठमाडौं,९ वैशाख । वीपी कोइरालाका शीष्य एवं नेपाली कांग्रेसका ज्येष्ठ नेता कुलबहादुर गुरुङले स्थानीय निकायको हारलाई गम्भीरतापूर्वक लिएर समीक्षा