शौचालयको सेफ्टी ट्यांकीमा फसेको गैँडाको उद्धार

रत्ननगर चितवन, २७ माघ। चितवनको सौराहास्थित शौचालयको सेफ्टी ट्यांकीमा फसेको गैँडाको आज बिहान सकुसल उद्धार गरिएको छ । 

सौराहाको एक घरमा बनाइएको शौचालयको सेफ्टी ट्यांकीमा फसेको गैँडालाई आज बिहान सकुसल उद्धार गरिएको चितवन राष्ट्रिय निकुञ्जका सहायक संरक्षण अधिकृत एवं सूचना अधिकारी नुरेन्द्र अर्यालले जानकारी दिए । 

राती आवतजावत गर्ने क्रममा सौराहा आसपास घुम्दै हिँड्ने गैँडा सेफ्टी ट्यांकीमा परेको थियो । राति हात्तीसहित निकुञ्जका कर्मचारी र सेनाको टोलीले गैँडाको उद्धार गरेको उद्वारमा खटिएका चितवन राष्ट्रिय निकुञ्जका पशुस्वास्थ्य प्राविधिक पुरुषोत्तम पाण्डेले जानकारी दिए । सेफ्टी ट्यांकीको बिर्को(ढकन) भासिन गई गैँडाभित्र पस्न पुगेको थियो । 

उहाँकाअनुसार सेफ्टी ट्यांकी भत्काई बाटो बनाएर गलको सहयोगमा गैँडालाई निकालिएको हो । यसैबीच चितवन राष्ट्रिय निकुञ्जले आसपास क्षेत्रको घर वरपर बनाइएका खाल्डाखुण्डी पुरेर सुरक्षित राख्न मध्यवर्ती क्षेत्रका बासिन्दालाई अपिल गरेको छ । 

यस्ता खाडल पुर्न र सेफ्टी ट्यांकी, गोबर ग्यासका लागि बनाएको स्थानलाई सुरक्षित राख्न निकुञ्जको पूर्वी सेक्टर कार्यालय चितवनले सार्वजनिक सूचना नै जारी गरी अपिल गरेको हो । 

यस्ता खाल्डाखुल्डीमा बाघ, गैँडा, हात्ती तथा दुर्लभ वन्यजन्तु परेर फस्ने तथा मृत्युसमेत हुनसक्ने भएकाले ध्यानाकर्षण गराइएको निकुञ्जको पूर्वी सेक्टर कार्यालयका प्रमुख अभिनय पाठकले जानकारी दिए ।रासस
 

 विमानस्थलमा राखिने विज्ञापनको नयाँ नीति आउँदै

काठमाडौं,५ वैशाख । सरकारले त्रिभुवन अन्तर्राष्ट्रिय विमानस्थल सहित देशभरका विमानस्थलमा राखिने विज्ञापनबारे नयाँ नीति लागु गर्ने भएको छ । संस्कृति,

 नयाँ वर्षमा सौराहमा दोब्बर पर्यटक

चितवन, ३ वैशाख । नयाँ वर्ष लागेसँगै जिल्लाको पर्यटन व्यवसायमा शुभ संकेत देखिएको छ ।  यस पटक नयाँ वर्षमा विगतभन्दा दोब्बर बढी पर्यटक सौराहा

दुर्घटनामा परेका विमान र भग्नावशेषको यसरी हुँदैछ व्यवस्थापन 

काठमाडौँ, २ वैशाख । विसं २०७१ फागुन २० गते त्रिभुवन अन्तर्राष्ट्रिय विमानस्थलमा अवतरणका क्रममा दुर्घटनामा परेको टर्किस एयरलाइन्सको विमानलाई यतिखेर

सुरु भयो नयाँ वर्ष विसं २०७५

काठमाडौँ, १ वैशाख । आज विक्रम संवत् दुई हजार पचहत्तर २०७५ साल वैशाख १ गते नयाँ वर्षको पहिलो दिन नेपालभर एकआपसमा शुभकामना आदानप्रदान गरी मनाइँदैछ