एक दिनमा कति घण्टा निदाउने ?  

अधिकांश मानिसलाई आफ्नो निद्रा पुरा भएको छैन भन्ने थाहा हुन्छ, तर एक दिनमा कति निद्रा चाहिन्छ भन्ने कुरा भने थाहा हुँदैन । अमेरिकामा भएको एक अध्ययनले व्यक्तिको निद्रालाई उसको उमेरसँग जोडेर फरक फरक तथ्य सार्वजनिक गरेको छ ।

नियमित जीवनशैलीको अभाव, मदिरा, कफी र इनर्जी ड्रिंक्सको सेवन लगायतका कुराले दैनिक दिनचर्यामा प्रभावित पार्ने अध्ययनले पत्ता लगाएको छ ।  
अमेरिकाको भर्जिनियास्थित एरलींगटनको च्यारीटी नेशनल स्लीप फाउण्डेशनका अनुसार हरेक व्यक्तिको जीवनशैली उसको निद्रामा निर्भर गर्छ । व्यक्तिको उमेर अनुसार उसलाई आवश्यक पर्ने निद्राको समय पनि फरक हुन्छ । 

  •   नवजात (जन्मेदेखि तीन महिना)ः हरेक दिन १४ देखि १७ घण्टा निद्रा आवश्यक पर्छ । ११ देखि १३ घण्टा पनि पर्याप्त हुन्छ तर १९ घण्टा भन्दा बढी निद्रा फाइदाजनक नहुने अध्ययनको निष्कर्ष छ । 
  •    शिशु (४ देखि ११ महिना) हरेक दिन १२ देखि १५ घण्टा निद्रा आवश्यक हुन्छ । कम्तिमा १० घण्टा पर्याप्त हुन्छ तर १८ घण्टा भन्दा बढी निद्रा उपयुक्त हुँदैन । 
  •    सानो बच्चा (एक देखि दुई वर्ष) ः ११ देखि १४ घण्टाको निद्रा उपयुक्त हुन्छ । ९ घण्टा देखि १६ घण्टासम्मको निद्राले नोक्सानी गर्दैन । 
  •     तीन देखि पाँच वर्षका बालबालिका ः १० देखि १३ घण्टाको निद्रा उपयुक्त मानिन्छ । आठ घण्टा भन्दा कम र १४ घण्टा भन्दा बढी निद्रा उपयुक्त मानिदैन । 
  •     स्कुल जाने उमेरका बालबालिका (६ देखि १३ वर्ष)ः ९ घण्टा देखि ११ घण्टा उपयुक्त मानिन्छ । यो उमेर समुहका बालबालिकाका लागि ७ घण्टा भन्दा कम र ११ घण्टा भन्दा बढी निद्रा फाइदाजनक मानिदैन । 
  •     किशोरावस्था (१४ देखि १७ वर्ष) ः यो उमेर समुहका लागि ८ देखि १० घण्टाको निद्रा आवश्यक मानिन्छ । सात घण्टा भन्दा कम र ११ घण्टा भन्दा बढी निद्रा भने उपयुक्त मानिदैन । 
  •     वयस्क ( १८ देखि २५ वर्ष) नौजवान वयस्कका लागि सात देखि ९ घण्टाको निद्रा पर्याप्त मानिन्छ । ६ घण्टा भन्दा कम र ११ घण्टा भन्दा बढी निद्रा उपयुक्त मानिदैन । 
  •     २६ देखि ६४ वर्ष ः यो उमेर समुहका मानिसलाई पनि वयस्कलाई जति नै निद्रा आवश्यक पर्ने अध्ययनबाट पुष्टि भएको छ । 
  •     वृद्ध (६४ वर्ष भन्दा माथि) यो उमेर समुहका मानिसका लागि ७ देखि ८ घण्टाको निद्रा उपयुक्त मानिन्छ । पाँच घण्टा भन्दा कम र ९ घण्टा भन्दा बढी निद्रा उपयुक्त मानिदैन ।

नेशनल स्लीप फाउण्डेशनका विशेषज्ञहरुका अनुसार राम्रो निद्रा कसरी प्राप्त गर्न सकिन्छ भन्ने सुझाव पनि दिएका छन् । 

  • समयमै सुत्ने बानी बसाल्ने 
  •    हरेक दिन व्यायाम गर्ने
  •    बेडरुमको तापक्रम, ध्वनी र प्रकाश सन्तुलन गर्ने 
  •    आरामदायी बेड र सिरानीको प्रयोग गर्ने 
  •    मदीरा र कफीबाट बच्ने 
  •    सुत्नुभन्दा पहिले इलेक्ट्रोनिक्स समान बन्द गर्ने 

 बीबीसीको सहयोगमा ।

 सरकारी अस्पतालको ल्याब बिग्रियो जनता महंगो निजी अस्पतालको मारमा 

पर्सा, ७ फागुन । वीरगञ्जको नारायणी उपक्षेत्रीय अस्पतालको प्रयोगशालामा रहेका उपकरण बिग्रिएपछि उपचारका लागि अस्पताल आउने बिरामीले समस्या

यी हुन् बीस प्रतिशत मात्र मुटु चल्ने डाक्टर

मेरो नाम डाक्टर मिमी गिरी हो । म त्यो डाक्टर  हुँ  जसको मुटु बीस प्रतिशत मात्र चल्छ । अब तपाईँ आफैं सोच्नुस यदी मेरो मुटु पुरै चल्थ्यो त मलाई कस्तो

मिर्गौला प्रत्यारोपणमा ९८ प्रतिशत सफलता

भक्तपुर, ५ फागुन । शहीद धर्मभक्त राष्ट्रिय प्रत्यारोपण केन्द्र (मानव अंग प्रत्यारोपण केन्द्र) भक्तपुरले चार सयभन्दा बढी मिर्गौला प्रत्यारोपण

अनुसन्धान भन्छ, ‘एउटा स्याउले गम्भीर रोगबाट बचाउँछ’  

अग्रेजीमा एउटा भनाई छ, ‘एन एप्पल अ डे, किप डक्टर अवे’ अर्थात दैनिक एउटा दाना स्याउ खानाले डाक्टरबाट टाढै बस्न सकिन्छ । हालै युनिभर्सिटी अफ