प्रथम राष्ट्रपति रामबरण यादवलाई खुल्ला पत्र


आदरणीय डाक्टर साहेब 
जय नेपाल ।

सवैभन्दा पहिला त यहाँलाई जन्मदिनको मंगलमय शुभकामना !

हुन त यहाँलाई सम्वोधन गर्दा सम्माननीय लेख्नुपर्ने थियो होला । तर किन किन डाक्टर साहेब भन्दा महसुस मिठास अरुमा भेटिन । त्यसैले यही सम्वोधन गरें ।

तपाईँसँग मेरो भावनात्मक सम्वन्ध छ । २०५६ सालतिर तपाईं काँग्रेसको नेता छँदा दोलखा पुग्नु भएको थियो । त्यहीबेला मेरो बुबालाई हर्ट एट्याक भयो । काँगे्रस नेता स्वर्गीय भीमबहादुर तामाङले तपार्इंलाई मेरो घरमै लैजानु भएको थियो । तपार्इँले बुबालाई जाँच गरेर तुरुन्तै काठमाण्डौं लैजान लगाउनु भयो । संयोगले अर्का नेता जिपछिरिङ लामाको  मोटरमा काठमाण्डौंसम्म ल्याइयो । समयमै उपचार हुँदा बुबा निको हुनु भएको थियो । धन्यवाद डाक्टर साहेब ! तपाईँलाई भेटेरै हृदय खोलेर धन्यवाद दिने मेरो चाहना अझै पुरा भएको छैन ।

  राष्ट्रपति हुँदा ‘हिमाल पहाड तराई, कोही छैन पराई’ भन्ने तपाईँको अभिव्यक्तिले तपाईँप्रति मेरो आदर अझै चुलिएको थियो । देशकै ऐतिहासिक पहिलो राष्ट्रपतिको जुन भूमिका तपाईँले निर्वाह गर्नुभयो । त्यो साँच्चीकै प्रशंसनिय थियो । अझ चुरे संरक्षण अभियानमा तपाईँले देखाउनु भएको चासो र संरक्षकत्वले तपाईँप्रति गर्व लागेको थियो ।

डा.साब माफ पाउँ !

पछिल्ला दिनमा तपाईँसँग खुशी हुने कुनै आधार भेटिएन ।

पत्रपत्रिका, अनलाईन मिडिया, सोसल मिडिया जताततै तपाईँको आलोचना भैरहेको पढ्नुपर्दा दुःख लागेको छ । निवर्तमान राष्ट्रपतिको रुपमा तपाईँ निकै आलोचित हुनुभयो । तपाईँको निवासको भाडा सरकारले नतिरेर त्यति धेरै अपमान खेप्नु पर्यो । तैपनि तपाईँ चुपचाप अपमानित भएर त्यही सरकारी निवासमा बसिरहनु भएको छ । सवैको प्रश्न जस्तै मेरो पनि उस्तै छ किन डा.साब ? किन ?

तपाईं स्वयं सुप्रशिद्ध डाक्टर हुनुहुन्छ । वीपी कोइरालाको निजी चिकित्सकको रुपमा काम गर्नुभएको तपाईँका लागि सरकारले दिने आवास, भत्ता र सवारी साधन कुनै ठूला कुरा होइनन् । आफैंमा सक्षम एक शिखर व्यक्तित्वलाई  सरकारले दिने सेवा सुविधाको के अर्थ राख्छ र ? त्यसमाथि तपार्इँको आफ्नै थातथलो र औषधिमुलोकै समस्या भैदिएको अलग्गै कुरा हुने थियो । तपाईँको पारिवारीक स्थिति हेर्दा तपाईँले राज्यको सुविधा विनानै देशको संरक्षक भएर बस्न सक्ने देखिन्छ । यस्तो व्यक्तित्वलाई किन चाहियो डाक्टर साहेब राज्यको थप सेवा सुविधा ?

केही दिन अघि कांग्रेस नेता डा. शेखर कोइरालाले विरामी जाँचेको तस्वीर समाचारमा देखेर खुशीले मन थाम्नै सकिन । आफ्नै नागरिक विरामी भएर उपचार अभावमा बस्दा चुनावमा पराजित एकजना नेताले देखाएको नागरिक प्रतिको प्रेम यो भन्दा बढी अपेक्षा गर्न सकिन्न । 
डा.साब ! 
यतिबेला भीमेश्वर नगरपालिकास्थित गौरीशंकर बोर्डिङ स्कुलका साना साना नानीहरु चोकमा चिया बेचीरहेका छन् । त्यो उनीहरुको रहर होइन । वाध्यता बन्यो । आफ्नै साथी मदन केसी व्लड क्यान्सरले मृत्युसंँग लडिरहँदा उनीहरुले आफुलाई सम्हाल्न सकेनन् । 

उपचारका लागि रुपयाँ संकलन गर्न उनीहरुले चालेको अभियानको जति प्रशंसा गरेपनि कम हुन्छ । सरकारसँग पहुँच भएकाहरु ज्वरो आएपनि उपचारकालागि विदेश धाइरहेको बेला एउटा वालकको उपचारका लागि साना स्कुले नानीहरुले चिया बेचेर भएपनि अर्थ संकलन गर्नुपर्ने वाध्यताप्रति तपाईँले के सोच्नु भएको होला ? जान्ने मन छ डा. साब । 

केही दिनअघि तराईमा चीसोले एक दर्जन गरीब नागरिहरुको निधन भयो । गरिवीको दुष्चक्रले गाँजेर पींडाको भूँमरीमा पिल्सिरहेका नागरिकले आफन्त गुमाउनु परेको पीडा कम्ती हृदयविदारक छैन । तर, तपाईं बेखबर झैं राजधानीको सरकारी निवासमा मौन बस्नु भएको छ । देशको संरक्षकको हैसियतले आफ्ना नागरिकको दुःखमा अलिकति पनि सहानुभूति नजाग्ने कस्तो मुटु छ डा. साब तपार्इँको ?

 उमेरका हिसावले तपाईँ अझैपनि केही वर्ष सक्रिय बन्न सक्नु हुनेनै छ । स्वास्थ र उमेरले साथ दिएसम्म अमेरिकी पूर्व राष्ट्रपति बाराक ओबामा, विल क्लिन्टन र जिम्मी कार्टर जस्तै तपाईँपनि सामाजिक रुपले केही न केही त गर्न सक्नुहुन्छ नि ?  आफैंले संरक्षकत्व ग्रहण गर्नु भएको चुरे संरक्षणका क्षेत्रमा पनि त काम गर्न सक्नु हुन्छ नि ? यसमा  तपाईँको निस्क्रियता कम्ती दुःख लाग्ने विषय छैन । 

डा. साब !

तपार्इँ जस्तै एकजना डाक्टर गोविन्द केसी आफ्नो जीर्ण शरीर लिएर स्वास्थसेवामा जुटीरहँदा, शेखर कोइरालाले स्वास्थ जाँच गरिरहँदा हामी नागरिकको आँखा तपाईँ सामु सोझिएका छन् । केही गर्न नसके पनि एउटा झोलामा केही औषधिमुलो बोकेर तराईका चिसो पीडित जनता सामु त पुग्न सक्नु हुन्छ नि हैन र ?

तपाईँको शुभचिन्तक 
भोजराज न्यौपाने

    
 

अनिवार्य आवश्यकता, लोकतान्त्रिक शक्तिवीचको एकता

  मुलुकमा दुई ठूला कम्यूनिष्ट पार्टी तत्कालिन नेकपा (एमाले) र नेकपा (माओवादी केन्द्र) बिच जेठ ३ गते भएको पार्टी एकताले देशमा राजनीतिक स्थितरताको

खतरामा ओली सरकार : तर कताबाट ? को बाट ?

तरवारको धारमा चलिरहेको हुन्छ सरकार जहिले पनि । जताततैबाट खतरा हुन्छ । त्यसैले केपी ओलीको सरकार पनि खतरामा छ । ओली सरकारलाई कताबाट खतरा छ ? केबाट खतरा छ ?

 सुकेको काठ जस्तै यसरी भाँचियो नेपालको राजसंस्था  

लचकदार राजतन्त्र टिक्दोरहेछ। एउटा जमाना अर्कै थियो। बेलायती साम्राज्यमा सूर्य अस्ताउन छोडेको थिएन। सन् १९३६ मा राजा जर्ज (पाँचौ) को ईहलिला समाप्त

कम्युनिस्ट एकता ! बधाई काङ्ग्रेस !

मुलुकका दुई ठूला कम्युनिस्ट पार्टीहरूको एकता भएर नेपाल कम्युनिस्ट पार्टी अन्डरलाइन बनेछ । समान विचार र स्वार्थका दलहरूकावीचमा ध्रुबीकरण