अमेरिकामा सरकार बन्द : अब के हुन्छ अमेरिकामा ?

काठमाडौं । अमेरिका सरकार ठूलो संकटमा परेको छ । राष्ट्रपति डोनाल्ड ट्रम्पको सरकारले संसदमा पेस गरेको बजेट पारित हुन नसकेपछि अमेरिकामा ‘सरकार बन्द’ भएको हो । अब सरकारले सरकारी ढुकुटीबाट खर्च गर्न सक्दैन । 

अमेरिकी समय अनुसार शुक्रबार राति १२ बजेसम्म बजेट पारित हुनपर्ने थियो । तर, सत्तापक्ष र विपक्षबीच सहमति हुन सकेन । 

के हो ‘सरकार बन्द’ ?

अमेरिकामा गत तीन दशकमा बजेट पारित हुन नसकेर १६ पटक ‘सरकार बन्द’ भइसकेको छ । सरकार बन्द भएपछि सरकारले अत्यावश्यकी सेवामा खर्च गर्न सक्दैन । खासगरी राष्ट्रिय निकुञ्ज र पार्कहरु बन्द हुने, सैनिकको तलब र पेन्सन भुक्तानी हुन नसक्ने, स्वास्थ्य सेवा सम्बन्धी भुक्तानी सरकारले गर्न नसक्ने अमेरिकी संचार माध्यमहरुले जनाएका छन् । 

अमेरिकी सुरक्षा सचिव जिम माटिसले ‘सरकार बन्द’ हुँदा उनको मन्त्रालयका ५० प्रतिशत काम ठप्प हुने बताएका छन् । यसबाट भिसा दिने र पासपोर्ट जारी गर्ने काममा पनि ढिलाई हुने बताईएको छ । 

राष्ट्रपति ट्रम्पको आप्रवासीप्रति कडाई गर्ने नीति विवादमा परेपछि त्यसको असर बजेटमा पनि परेको हो । कार्यकालको एक वर्षमै ट्रम्प ठूलो संकटमा परेका छन् । अमेरिकी संचार माध्यमहरुले गरेको सर्वेक्षण अनुसार अहिले ट्रम्प अमेरिकी इतिहासको सबैभन्दा अलोकप्रिय राष्ट्रपति हुन् । 

‘सरकार बन्द’ ले स्वास्थ्यका कतिपय आकस्मिक क्षेत्र र एअर ट्राफिक कन्ट्रोललाई भने असर नपर्ने बताईएको छ । यस्ता क्षेत्रका लागि वैकल्पिक बजेटको पूर्व व्यवस्था गरिएको हुन्छ । 

सन् २०१३ मा पनि यसरी अमेरिकामा सरकार बन्द भएको थियो । तर, अहिलेको सरकार बन्द विगतको भन्दा गम्भीर प्रकृतिको हुनसक्ने आँकलन अमेरिकी संचार माध्यमहरुले गरेका छन् । 


 

 अस्ट्रेलियाली स्कुले छात्रले एप्पलको सिस्टम “ह्याक” गरे

सिड्नी ।  एप्पल कम्प्युटरमा काम गर्ने “सपना” बुनेका एक अस्ट्रेलियाली स्कुले छात्रले एप्पलको कम्प्युटर प्रणाली ह्याक गरेको अस्ट्रेलियाली

  स्नायूशक्ति ध्वस्त पार्ने औषधिले मारिएका थिए कीम जोङ  

क्वालालम्पुर । मलेसियाको एक अदालतले उत्तर कोरियाली नेता कीम जोङ उनका भाइ कीम जोङ नामको हत्या आरोपमा मलेसियामा पक्राउ परेका दुई महिलाका सम्बन्धमा

रोमन क्याथोलिक चर्चका धर्मगुरुद्वारा १ हजार बालबालिकामाथि यौन दुर्व्यवहार  

ह्यारिसबर्ग, अमेरिका । एकजना धर्मगुरुले एक सात वर्षीया बालिकालाई बलात्कार गरे । अर्का धर्मगुरुले नौ वर्षका बालकलाई मुखमैथुन गर्न बाध्य तुल्याए र ती

 पुल भत्किँदा कम्तीमा २२ को मृत्यु

रोम, इटाली । इटालीको उत्तरपश्चिमी बन्दरगाह शहर जेनोअमा एउटा पुल भत्किँदा कम्तीमा २२ जनाको मृत्यु भएको उप–यातायात मन्त्रीले मङ्गलबार जानकारी दिएका