एमाले - माओवादी एकताको मोडालिटी : अध्यक्ष र सर्बोच्च नेता

 काठमाडौं , ६ माघ । नेकपा (एमाले) र नेकपा माओवादी (केन्द्र)बीच पार्टी एकीकरणको मोडालिटी लगभग टुंगो लागेको छ । एमाले अध्यक्ष केपी शर्मा ओली र माओवादी अध्यक्ष पुष्पकमल दाहालबीच शुक्रवार भएको तीन घण्टा लामो छलफलमा पार्टी एकताको मोडालिटी टुंगो लागेको हो ।

बालकोटमा दुई नेताबीच पार्टी एकता जतिसक्दो चाँडो गर्ने निश्कर्षसहित बिषय केन्द्रित छलफल भएको थियोे ।  दुवै नेताले शुक्रवारको छलफलमा ‘अव ढिलाई गर्नै नहुने’ निश्कर्ष निकालेका छन । स्रोतका अनुसार दुई नेताले शुक्रवारको बार्ताको थालनी नै ‘पद भन्दा माथि रहेर एकता गर्ने अठोट’ सहित अघि बढाएका थिए ।

पछिल्लो समयमा दुवै पार्टी्भित्र एकताको बिपक्षमा कोही छैनन,’ बैठकको निश्कर्ष सुनाउँदै स्रोतल भन्यो । स्रोतका अनुसार बार्तामा ओली–दाहालले एकअर्कालाई भनेका छन, ‘पार्टी एकताका लागि मलाई केही चाहिन्न, जे गर्दा सहज हुन्छ, त्यही गरौं ।’

स्रोतका अनुसार ओली र दाहालमध्ये एक सर्वाेच्च नेता र अर्का अध्यक्ष रहने गरी मोडालिटी टुंगो लागेको छ । जुन पद भएपनि एमाले अध्यक्ष ओली नै प्रधानमन्त्री र संसदीय दलका नेता हुने प्रस्ताव दाहालले राखेका छन । बार्तामा ओलीले एकताका लागि आफू कहाँ रहने भन्ने प्रस्ताव आफै नगर्ने जानकारी दाहाललाई गराएका थिए भने दाहालले पनि सोही भनाई ओलीसामु राखेका थिए ।

एकताका लागि एमालेमा माधव नेपाल र झलनाथ पक्षले असहयोग गर्ने हो कि  भन्ने आशंका समेत ओलीले मेटाएका थिए।  ओलीले एकताका बिषयमा पार्टी भित्र सबैको एउटै स्प्रिट रहेको भन्दै आश्वास्त पारेका थिए। 

दुवैतर्फका नेताहरुले चाँडो गर्न सुझाएकै कारण शुक्रवार मोडालिटीको टुंगो लगाई आजपनि बार्ता अघि बढाउने र आइतवार एकता संयोजन समितिको बैठक बस्ने सहमति भएको छ । सांगठानिक संरचनाको अन्तिम गृहकार्य गर्ने सहमति पनि समितिको बैठक अगावै टुंग्याउने सहमति दुई नेताले गरेका छन ।

एकतालाई अन्तिम रुप दिन  एकता संयोजन समिति र नेताहरुबीच आज दिनभरी छलफल हुने बताइएको छ। 

नागरिकता संशोधन विधेयकमा एनआरएनका नौ असहमति

काठमाडौं, २ भदौ । नेपालको नागरिकता संशोधन गर्न बनेको विधेयमा गैरआवासीय नेपालीको संविधानमा उल्लेख भइसकेको अधिकार खोसिएको भन्दै आपत्ति जनाएको छ ।

 पुल बगाएपछि विद्यार्थी मारमा 

जाजरकोट, २ भदौ  । बाढीले केही पुल बगाएपछि नलगाड नगरपालिकाका बासिन्दालाई समस्या भएको छ । पुल तर्न नसक्दा विद्यार्थी विद्यालय जानबाट बञ्चित भएका छन्

बाढीका कारण जलविद्युत् आयोजना बन्द

म्याग्दी, १ भदौ । बाढीले बाँधमा क्षति पु¥याएपछि म्याग्दी र मुस्ताङका दुई जलविद्युत् आयोजना बन्द भएका छन् । बाढीले असर पु¥याउँदा मुस्ताङको थासाङ

१६५ वर्ष पुरानो मुलुकी ऐन विस्थापित, आजबाट नयाँ कानुन  

  काठमाडौँ, १ भदौ । नेपालको १६५ वर्ष पुरानो मुलुकी ऐन आजबाट विस्थापित भएको छ । आजबाट मुलुकले नयाँ कानुनको अभ्यास गर्ने छ । नेपालले आज देखि मुलुकी