विश्वासमा पर्दा करोडौंको जग्गा गयो, आफू घरबारविहीन

उर्लाबारी,३ माघ । जालझेलपूर्ण तरिकाले आफ्नो घरजग्गा अर्कैले बेचिदिएपछि ताप्लेजुङको साविक थेचम्बु ४ स्थायी घर भई हाल ललितपुर इमाडोल बस्दै आएका मानबहादुर लिम्बू यतिबेला घरबारविहीन अवस्थामा पुगेका छन् ।

लिम्बूले आफूलाई न्यायालयले पनि साथ नदिएको गुनासो गरेका छन् । घरव्यहार चलाउन खर्च आवश्यक परेपछि उनले आफूसँग भएको आठ आना जग्गा १५ लाख रुपैयाँमा बैंकमा धितो राखेका थिए । पछि छिमेकीले आफ्नै जग्गा साँधमा रहेको दुई आना तीन पैसा जग्गा बेच्ने भएपछि उनले थप २० लाख रुपैयाँ ऋण लिए।

 ऋण लिनको लागि चिनजानमा रहेका कुपण्डोल निवासी विनोदबहादुर खड्काले नै लिम्बूलाई घरवारबिहीन बनाइदिए पछि उनी अहिले न्याय माग्दै मिडियाका ढोका–ढोका धाउन थालेका छन् ।  ऋण लिन खड्काले धितो रहेको जग्गा आफ्नो नाममा राजीनामा पास गरिदिन अनुरोध गरेपछि लिम्बूले पनि खड्काको विश्वासमा परी आफ्नो नाममा रहेको आठ आना जग्गा राजीनामा पास गरिदिएका थिए ।

जग्गा लिएपनि बीचमा थप ७ लाखका लागि लिम्बूले खड्कालाई नै गुहारे ।  खड्काले पैसा दिने तर अर्काे दुई आना तीन पैसा जग्गा पनि आफूलाई राजीनामा करार गरिदिनु पर्ने सर्त अघि सारे । यसपछि लिम्बुले थप दुई आना तीन पैसा जग्गा पनि खड्कालाई राजीनामा करार गरी दिए ।

    ऋण चुक्ता गर्न बैंकले ताकेता गर्न थालेपछि लिम्बू सोही जग्गा बेचेर खड्काको पैसा पनि फिर्ता गर्ने र बैंकको कर्जा पनि तिर्ने निष्कर्षमा पुगे । ‘बैंकको कर्जा तिर्न हामीले एक करोड ११ लाख रुपैयाँमा जग्गा बेच्यौं’,लिम्बूले भने –‘बैंकको ऋण तिरेपछि बाँकी पैसा खड्काले आफूले चलाइराख्ने र पछि तिर्ने शर्त राखे । मैले पनि हुन्छ भनेर दिएँ ।’

त्यसपछि खड्का सम्पर्क विहीन छन् । फोनमा  सम्पर्क गर्दा पनि फोन नउठाउने गर्न थालेपछि लिम्बू छाँगाबाट खसे सरह भएका छन् । हाल लिम्बूले भोगचलन गरिरहेको घरजग्गा खड्काले  तीन–चार जनाबीच किनबेच गराइसकेको लिम्बू बताउँछन् । खड्काबाट ठगिएको अहिले मात्र थाहा भयो , आफैं बसेको घर बाटा बाटै खड्काले अर्कैलाई बेचिसकेका रहेछन् । लिम्बू भन्छन्–‘मसँग घरायसी कागजपत्र छ , तर  न्यायालयले पनि न्याय दिएन ।  

नयाँ संहिता: घरमा पत्नी छँदै गरिने दोस्रो बिहे रध्द हुने, धर्म परिवर्तन अपराध सरह 

काठमाडौं,१ भदौ । मुलुकी ऐनलाई प्रतिस्थापन गर्न बनेका बहुचर्चित पाँचवटै संहिता आजदेखि कार्यान्वयनमा आएका छन्। सरकारले ऐनमा भएका प्राविधिक त्रुटी

शंकरले छोरा र भाइको हत्या

जाजरकोट, ३० साउन  ।  रुकुम ९पश्चिम०को मुसीकोट नगरपालिका–१४ मा एक व्यक्तिले आज आफ्नै छोरा र भाइको हत्या गरेका छन् ।  छिवाङ चौताराका ३६ वर्षीय

 बलात्कारीलाई आजीवन जेल सजाय हुने कानून आउँदै

काठमाडौं । सरकारले बलात्कारीलाई आजीवन कारावास हुने गरी विद्यमान कानूनमा संसोधन गर्ने तयारी गरेको छ। बलात्कारीलाई आजीवन कारावास हुने गरी कानून

 सरकारी कार्यालयमा विचौलियाको बिगबिगी 

काठमाडौं, २४ साउन । सरकारी कार्यालयहरुमा कर्मचारीकै प्रोत्साहनमा बिचौलियाको बिगबिगी बढेको छ। सर्बसाधारण सेवाग्राहीलाई भन्दा विचौलियामार्फत आएको