नेपथ्यका अमृतसँगै झुमे दमकवासी 

 दमक, २९ पुस । नेपाली लोक रक ब्याण्ड नेपथ्यले झापाको दमकबाट सांगीतिक प्रस्तुति सुरु गरेको छ । दमक महोत्सव  भैरहेको अवसरमा शुक्रबार आयोजित कन्सर्टमा स्थानीय सरस्वती उच्च माध्यमिक विद्यालयको प्रांगणमा ठुलो संख्यामा संगीतप्रेमीहरु भेलाभएका थिए ।

 नेपथ्यले दमकमा यो चौथो  कन्सर्ट प्रस्तुत गरेको हो । अघिल्ला तीनवटै कन्सर्ट हलहरुमा आयोजना गरेको नेपथ्यले यसपाला दमकमा पहिलोपटक खुला आकाशमुनी कार्यक्रम आयोजना गरेको थियो ।

कन्सर्टको सुरुवात नेपथ्यका दुइवटा चर्चित म्यूजिक भिडियोहरु ‘सा कर्णाली’ र ‘सम्झिराख’ देखाएर गरिएको थियो । छिमेककै पहाडी शहर धनकुटाबाट उदाएर मुलुककै प्रसिद्ध कवि बन्नपुगेका प्राध्यापक तुलसी दिवसले वाल्यकालमै यसै भेगमा सिर्जनागरेको गीत हो ‘सम्झीराख’। यस गीतलाई कन्सर्टको बेलामा दमकमै पहिलोपटक प्रस्तुत गरिएको हो ।

म्यूजिक भिडियोको लगत्तै मञ्चमा प्रवेश गरेको नेपथ्य टोलीले त्यसपछि सरुभक्त रचित ‘कुरुप अनुहार हो’ गीतबाट कार्यक्रम सुरुगरेको थियो । त्यसपछि ‘भेँडाको ऊनजस्तो’, ‘छेक्यो छेक्यो’ हुँदै ‘आँगनैभरि’ गाउने बेलामा गायक अमृत गुरुङले ब्याण्ड स्थापनाको बेलाका सम्झनाहरु सुनाए ।

यतिबेला आफ्नो स्थापनाको २५ औं वर्ष मनाइरहेको ब्याण्डले उसको त्यो पहिलो गीत सुनाउने बेला पृष्ठभूमिमा स्थापनाकालीन सदस्यहरुका सम्झनारुपी तस्बिर देखाइएको थियो ।

त्यसपछि अमृतले क्रमशः ‘शिरफूल शिरैमा’, ‘लामपाते सुरती’, ‘चरि म¥यो’, ‘जोमसोमे बजारमा’ हुँदै फेरि नेपथ्यको पछिल्लो एल्बम ‘ऐनाझ्याल’ मा समेटिएको चर्चित गीत ‘जोगले हुन्छ भेट’ सुनाएका थिए ।

कार्यक्रममा ‘तिमी पनि नेपाली’, ‘यो जीन्दगानी’, ‘कोशीको पानी’, ‘हिमाल चुचुरे’, ‘मै नाचे छमछमी’ हुँदै दर्शकहरुले सुरुदेखि माँग गर्दैआएको ‘रेशम’ र ‘तालको पानी’ सुनाइएको थियो ।

 कार्यक्रममा ‘गाउँ गाउँबाट उठ’ र ‘रातो र चन्द्रसूर्जे’ जस्ता दर्शकलाई मुलुक र परिस्थितिसँग नजिक्याउने गीत पनि दमकका श्रोता दर्शकका निम्ति गाइएको थियो । कवि गोपालप्रसाद रिमालको त्यही जंगीनिशान गीतबाटै कार्यक्रमको बिट मारिएको थियो । स्थानीय युवाहरुको समूह थ्री इन्क भिजन,  जय मिडिया र पुर्वाञ्चल रक्सले दमकमा नेपथ्यलाई प्रस्तुत गरेको हो । मुलुकको यात्रामा निस्केको नेपथ्य टोली अब माघे संक्रान्तिका दिन चितवनस्थित नारायणी नदीको किनारमा प्रस्तुत हुने आयोजकले जनाएका छन् ।

 

भारतीय अभिनेत्री पाण्डे भन्छिन– भगवान् बुद्ध नेपालमै जन्मिएका हुन्

काठमाडौँ, ३१ असार । नेपाल भ्रमणमा रहेका एक भारतीय सिने कलाकार पुनम पाण्डेले भगवान् बुद्ध नेपालमा जन्मिएको बताएकी छिन् ।  रुसमा जारी विश्व कप

पुनम पाण्डे भन्छिन– भगवान् बुद्ध नेपालमै जन्मिएका हुन्

काठमाडौँ, ३१ असार । नेपाल भ्रमणमा रहेका एक भारतीय सिने कलाकार पुनम पाण्डेले भगवान् बुद्ध नेपालमा जन्मिएको बताएकी छिन् ।  रुसमा जारी विश्व कप

गुडियालाई स्तनपान गराएको भन्दै अमेरिकी मोडलको आलोचना 

अमेरिकी मोडल तथा अभिनेत्री क्रिसी टीगनले आफ्नो बच्चासँगै गुडियालाई पनि स्तनपान गराएको तस्वीर सामाजिक सञ्जालमा पोस्ट गरेपछि उनको आलोचना सुरु भएको छ

‘धुम’को चौथो श्रृंखलामा सलमान र केट्रिना

 काठमाडौं । बलिउडको चर्चित फिल्म ‘धुम’को अर्को श्रृंखला निर्माण हुनेभएको छ ।  निर्माता आदित्य चोपडाले ‘धुम’को चौथो श्रृंखला निर्माण गर्ने