घाँटीमा पलाएको एेँजेरूले बृद्धलाई समस्या

इलाम, २७ पाैष । इलामको बरबोटेस्थित आरुबोटेका ७८ वर्षका धनरुप नोगु (लिम्बू) घाँटीमा पलाएको ऐजेरु बोकेर हिँड्न बाध्य छन्।  उपचारमा डाक्टरले रु दुई लाख लाग्ने बताएपछि आर्थिक अभावका कारण उनि ऐजेरु नै बोकेर हिँड्न बाध्य भएका हुन् । एकदमै न्यून आर्थिक अवस्थाका लिम्बू ऐँजेरुका कारण केही गर्न नसकिएको बताउँछन् । 

२०२६ सालमा उनको घाँटीमा सानो कोठीजस्तो देखियो । त्यो कोठी पछि बढ्दै गयो । कोठी बढ्दै गएपछि उनले सदरमुकामको सिङ्फ्रिङस्थित डा मेघबहादुर सामुदायिक अस्पतालमा उपचार गराए । उपचार गराउँदा गाउँलेले रु १३ हजार चन्दा उठाइदिए । तर त्यसले कुनै पत्तो लागेन । 

“करिब २० वर्षअघि नै मैले यसको उपचार गराउन खोजेँ, तर डाक्टरले दुई लाख लाग्छ भनेपछि मेरो केही लागेन, मसँग त्यत्रो पैसा नभएपछि अहिलेसम्म ऐँजेरु बोकेर हिँड्न बाध्य छु,” उनले भने । 

खान लगाउन पैसासमेत नभएको बेलामा दुई लाख त सपनाजस्तो लाग्यो, उनि भन्छन् “उपचार नगराउँ भने यसकै कारण मरिने चिन्ता, गराउँ भने पैसा छैन” उनले दुखेसाे पाेख्दै भने  “जिल्लामा धेरै संघसंस्था गरिब दुःखीको क्षेत्रमा काम गर्ने भन्ने सुनिन्छ, तर कसैले वास्ता गरेका छैनन् ।” 

आर्थिक अवस्था कमजोर भएकै कारण आफू जीवनभर पीडित हुनुपरेको उनको दुखेसो छ । हुनेखाने भएको भए त उपचार गराउँथेँ, तर गरिबलाई हेर्ने कोही रहेनछ, उनले सुनाए। उनको घाँटीमा पलाएको मासुको डल्लो विस्तारै गालातिर सर्दैछ । पाँच किलोभन्दा बढी तौल भएको उक्त ऐँजेरुका कारण उनि राम्रोसँग बोल्न पनि सक्नुहुन्न । 

बेला–बेलामा मुखबाट पिप र रगत बग्छ, उनले भने “खाना खाँदा दुख्छ, हिँड्डुल गर्दा पनि साह्रै अप्ठ्यारो हुन्छ ।” घाँटीमा मासुको डल्लो ठूलो भएकाले कपडा लगाउन पनि उनलाई मुस्किल पर्छ । कपडा लगाए पनि रातभर पोल्ने गरेको उनि सुनाउँछन्  । उपचार गराउन पाएको भए बाँकी जीवन सुखी तरिकाले बित्न पाउने नोगुले आशा गरेका छन् ।  रासस

विश्वविद्यालय, मेडिकल काउन्सिल र अख्तियारलाई मिलाउने यस्तो रहेछ तरिका

"हरिश न्यौपाने (चितवन मेडिकल कलेजका अध्यक्ष) ले एमबिबिएसमा सिट संख्या बढाउन मेडिकल काउन्सिलको एउटै मान्छेलाई पटक पटक गरेर लगभग ६० करोड खर्च गरेका

 लुम्बिनी अस्पतालमा ‘सिकलसेल एनिमिया’का बिरामी 

बुटवल, २९ असार । लुम्बिनी अञ्चल अस्पताल, बुटवलमा उपचारका लागि आएका बिरामीमध्ये नाबालकसहित दुईजना ‘सिकलसेल एनिमिया’ बाट प्रभावित भएको देखिएको छ

आँप खाऔं स्तन क्यान्सरबाट बचौं

अहिले आँपको सिजन । बजारमा अरुबेला भन्दा केही सहज मूल्यमा फलफुलको राजा मानिने आँप किन्न पाइन्छ । आँपको सेवनबाट हामीले सोच्दै नसोचेको फाइदा पाउन सक्छौ

एकै पटक धेरै काम गर्दा दिमागले प्रोसेस गर्न सक्दैन

भागदौडपूर्ण जीवनमा हरेक मानिससँग समयको अभाव छ । समयको अभाव देखाउँदै मानिसले एक पटक धेरै काम गर्न खोज्छ । तर अध्ययनले यस्तो गर्नु नोक्सानीपूर्ण हुने