शीत लहरले दुई दिन विद्यालय बन्द, जनजीवन प्रभावित

लहान, १९ पुस   अत्यधिक चिसो र शीतलहर बढेपछि सिरहाका सामुदायिक विद्यालयमा दुई दिन बिदा दिइएको छ । 

जिल्ला शिक्षा कार्यालयमा बसेको शिक्षा समितिको बैठकले अत्यधिक चिसोका कारण बालबालिका बढी प्रभावित भएको भन्दै बिहीवार र शुक्रबार दुई दिन सामुदायिक विद्यालयमा बिदा दिने निर्णय गरेको हो । 

दुईपछि पनि मौसममा सुधार नआए पुनः बैठक बसेर बिदा दिने वा नदिने निर्णय लिइने जिल्ला शिक्षा अधिकारी महेन्द्र महतोले जानकारी दिए। 

यस्तै, चिसो बढेपछि सिरहाको धनगढीमाई नगरपालिका–९ का दलित विपन्न परिवारलाई कम्बल र विद्यार्थीलाई शैक्षिक सामग्री वितरण गरिएको छ । वैदेशिक रोजगारीमा रहेका धनगढीमाई नगरापालिका–९ का युवाले संकलन गरी पठाएको रकमबाट कम्बल र शैक्षिक सामग्री खरिद गरेर वितरण गरिएको हो । 

धनगढीमाई नगरपालिकाका उपप्रमुख फुलकुमारी श्रेष्ठले दलित विपन्न ३२ परिवारलाई जाडो छल्न कम्बल र उक्त बस्तीका ७२ बालबालिकाहरुलाई विभिन्न शैक्षिक सामग्री वितरण गरे। 

यहाँ शीतलहर र चिसोका कारण जनजीवन कष्टकर बनेको छ । बाक्लो हुस्सु र चिसो हावाका कारण रुघाखोकी, ज्वरो, श्वासप्रश्वास र हाडजोर्नीका बिरामी निकै बढेका छन् । लहानस्थित जिल्ला अस्पताल, लहान अस्पताल तथा ग्रामीण भेगका सरकारी स्वास्थ्य संस्थाहरूमा बिरामीको चाप निक्कै बढेको जिल्ला जनस्वास्थ्य कार्यालयले जनाएको छ । दैनिक चिसोका कारण बिरामी परेका करिब २० देखि २५ जना उपचारका लागि आउने गरेको जिल्ला अस्पालका मेसु डा चुमनलाल दासले जानकारी दिए। 

पछिल्लो एक सातायता चिसो झनै बढेपछि सदरमुकाम र जिल्लाका अन्य बजार क्षेत्रमा चहलपहल र आवागमन निक्कै पातलिएको छ भने सरकारी कार्यालयमा सेवाग्राहीको संख्या ह्वातै घटेको छ । रासस

 अवैध गर्भ फाल्न खोज्दा झन्डै गयो ज्यान

पाँचथर,९ वैशाख । औषधि सेवन गरेर ७ महिनाको गर्भ फाल्न खोज्दा पाँचथरकी एक युवतीको झन्डै ज्यान गएको छ । उनले चारदिन अघि घरैमा गर्भ फाल्ने औषधि सेवन गरेकी

पूर्व प्रधानमन्त्री कोइरालाको नाममा युवा लक्ष्यित ‘सुशील श्री पुरस्कार’ स्थापना

काठमाडौँ, ९ वैशाख ।  सुशील कोइराला मेमोरियल फाउण्डेसनले भोलिको नेपालको मार्गचित्र निर्माणमा युवालाई प्रत्यक्ष रुपमा सरिक गराउने उदेश्यले एक लाख

सुख्खा रानीपोखरीमा साढे दुई करोड व्यर्थ खर्च

काठमाडौँ, ९ वैशाख । रानीपोखरी पुनःनिर्माणका क्रममा अहिलेसम्म रु दुई करोड ५० लाख सकिएको छ । विसं २०७२ को भूकम्पका कारण पूर्ण रुपमा क्षति पुगेको

 व्यानरको बिवादमा एमाले माओवादीवीच चर्काचर्की

काठमाडौं,९ वैशाख । एकताको सन्देश दिन आयोजना गरिएको पहिलो कार्यक्रममै एमाले र माओवादीका कार्यकर्तावीच तिक्तता प्रदर्शन भएको छ। कार्यकर्ताहरुलाई