खोटाङमा चितुवाले दर्जनौँ खसीबाख्रा खायो

खोटाङ, २१ मंसिर । जिल्लाको दक्षिणी क्षेत्रमा चितुवा आतंक भएको स्थानीयले बताएका छन् । 

चराउन जंगल लगिएका तथा खोरमै राखिएका बाख्राखसी चितुवाले खान थालेपछि स्थानीयवासी चिन्तित बनेका छन् । जन्तेढुंगा गाउँपालिका–४ डम्बर्खुशिवालय–४ का केदार रोइलाका पाँचवटा बाख्राखसी चितुवाले एकै दिन खाएको स्थानीयले बताएका छन् । जंगलमा चराउन लगिएको अवस्थामा एकै दिन पालैपालो गरेर पाँचवटा बाख्राखसी चितुवाले मारेको रोइलाको भनाइ छ । 

रोइलासँगै स्थानीय रत्नबहादुर राई र मानबहादुर रोइलाको पनि बाख्राखसी मारेको स्थानीयले बताएका छन् । बाख्राको खोर भत्काएर राईका सातवटा खसीबाख्रा एकै दिन मारेको हो । 

चितुवा जंगलबाट गाउँघरमा आएर साँझ परेपछि ठूलो आवाज गरेर कराउने तथा खोर भत्काएर दैनिक बाख्राखसी मार्न थालेपछि स्थानीय त्रसित बनेका छन् । एक्लै हिडेका मानिससँग चितुवाले भेटे आक्रमणको प्रयास गर्ने तथा लखेट्ने गरेको स्थानीयको भनाइ    छ । 

स्थानीयका अनुसार टाटेपाटे रङको ठूलो चितुवा गाउँ पसेको बताइएको छ । दुईवटा चितुवा रहेको र सँगै हिँड्ने तथा बिहान घाम झुल्किनासाथ जंगलको बीचमा पर्ने डाँडामा सँगै जुध्दै घाम ताप्न निस्कने गरेको प्रत्यक्षदर्शीले बताएका छन् । 

चितुवाले त्यस क्षेत्रका मृगसमेत सखाप बनाएको स्थानीय बताउँछन् । यसअघि खोटेहाङ गाउँपालिकाको वडा नम्बर—१ लिकुवापोखरीमा पनि चितुवा आतंक भएको थियो । रासस

  घिसिङको कार्यकालमा इतिहासमै कम चुहावट, प्राधिकरणको खुद नाफा लक्ष्यभन्दा बढी 

काठमाडौँ, २९ साउन । नेपाल विद्युत प्राधिकरणले गत आर्थिक वर्ष २०७४/७५ मा प्रक्षेपित भन्दा बढी आम्दानी हुने जनाएको छ । सो आवमा प्राधिकरणले एक अर्ब एक

 हिमालय ड्रग कम्पनीको नयाँ क्रिम बजारमा 

काठमाडौं । हिमालय ड्रग कम्पनीले ‘युथ इटरनिटि’ नाम गरेको छालाको हेरचाह  गर्ने क्रीमहरु बजारमा ल्याएको छ। यस युथ इटर्नि्टि रेन्जका क्रिमहरु

वाइडबडी खरिदमा ६ अर्ब ५९ करोड घोटाला, मर्मतको घाटा अलग्गै

काठमाडौं । नेपाल वायुसेवा निगमले एक महिनाको बीचमा अन्तराष्ट्रिय विमानस्थलमा उतारेका एअरबस निर्मित ३३०-२४३ (पहिले ३३०-२०० भनिएका) सेरिजका वाईड बडीका

वाइड बडी खरिदमा अढाई देखि ३ अर्ब दलाललाई बढी तिरेको पुष्टि

काठमाडौं । नेपाल वायुसेवा निगमले जहाज निर्माता कम्पनी एअरबसले दिने मूल्यभन्दा अढाईदेखि ३ अर्ब रुपैया बढी मूल्य तिरेर कम क्षमताका दुईवटा वाइड बडी