‘साकुरा’ रोप्ने समूह नेपालमा

काठमाडौं, १९ मंसिर । नेपाल जापान सम्बन्धलाई सुमधुर बनाउने उद्देश्यले जापानी राष्ट्रिय फूल ‘साकुरा’ रोप्न वृद्ध जापानीको समूह नेपाल आएको छ ।

साकुरालाई शान्तिको प्रतीक मानिन्छ । विश्वमा शान्ति, भ्रातृत्व र समृद्धिको सन्देश प्रवाह गर्न जापानीले २३ देशका ३५ शहरमा साकुरा रोप्दै आएका छन् । नेपालमा यस वर्ष पहिलो पटक दुई देशबीचको सम्बन्धलाई प्रगाढ बनाउन राष्ट्रिय शहीद स्मारक गोकर्णमा डेढ फिट उचाइका २०० साकुरा फूल रोपिएको छ ।

साकुरा रोप्न आएको चेरी ब्लुस्म एशोसिएसनका अधिकांश व्यक्ति ६० वर्षभन्दा बढी उमेरका छन् । नेपालका गाउँगाउँमा साकुरा रोपेर दुई देशबीचको सम्बन्धलाई थप प्रगाढ बनाउने चाहनाले बाह्र जनाको वृद्धको समूह नेपाल आएको हो । 
पुष्परोपण शुरुवात गर्दै नेपालका लागि जापानी राजदूत मासासी ओगावाले नेपालमा पनि साकुरा हुर्कन सक्ने वातावरण भएकाले शान्तिको सन्देश फैलाउने उद्देश्यले रोपिएको बताए । कृषि विकास मन्त्रालयका सहसचिव हेमलाल अर्यालले साकुरा चुरे क्षेत्रमा पनि रोप्ने तयारी भइरहेको जानकारी दिए ।

काठमाडौँ महानगरपालिकाका उपप्रमुख हरिप्रभा खड्गी श्रेष्ठले प्रदूषित बन्दै गएको काठमाडौँ उपत्यकालाई स्वच्छ, सफा र हराभरा बनाउन जापानीको अभियानले सहयोग पुग्ने बताईन । “प्राकृतिक वातावरणमा स्वच्छतासँगै साकुरा फूल रोप्नाले शान्तिको सन्देश समेत प्रवाह गर्ने उद्देश्यले २३ देशका ३५ देशमा सञ्जाल बनाइएकाले यो एउटा अभियान बनेको छ, यस्तो अभियानलाई महानगरले पनि सहयोग गर्छ”, उनले भनिन् ।

गोकर्णेश्वर नगरपालिकाका उपप्रमुख शान्ति नेपालले फूल हुर्काउन नगरपालिकाले आवश्यक सहयोग गर्ने प्रतिबद्धता जनाईन् । स्मारकका अध्यक्ष सुदर्शन सिग्देलले फूल हुर्काउन कुनै कसर बाँकी नराखिने र रेखालुको व्यवस्था गरिने बताएका थिए । नेपालमा साकुरा रोप्ने कामको समन्वय एवं नेतृत्व गर्नुभएका नेपाल पिस सोसाइटीका अध्यक्ष तथा जापानमा कार्यरत अन्तर्राष्ट्रिय कानून व्यवसायी बलराम श्रेष्ठले यो कार्यक्रमलाई आगामी वर्ष अन्यत्र पनि विस्तार गरिने जानकारी दिए ।

नेपालमा साकुरा रोप्न प्राविधिक सहयोग गर्ने एशोसिएसनका मात्सुजावा हिरोबुमीले यस वर्ष रोपिएका फूल संरक्षण भएका आधारमा अर्को वर्षदेखि कार्यक्रमलाई विस्तार गरिने बताए । रासस 
 

सुगन्धीत चामल अब नेपालमै उत्पादन हुने

ललितपुर, १० जेठ । नेपालमा बासना आउने चामलको माग बढेपछि नेपाल कृषि अनुसन्धान परिषद् (नार्क) ले त्यसमा अध्ययन थालेको छ । नार्कअन्तर्गतको कृषि विज्ञान

निगम थलिँदै, महाप्रवन्धक कंसाकार मन्त्रीको निगरानीमा

काठमाडौं । व्यवस्थापकीय कमजोरी र आर्थिक अनियमितताले ग्रसित नेपाल वायु सेवा निगमको व्यवस्थापन आफूसँग भएका नयाँ जहाज पनि उडाउन नसक्ने गरी थलिएको छ

चाईनीज कम्पनीको लगानीमा ७.२७ मेगावाटको योजना बन्ने

काठमाडौं, ९ जेठ । सिन्धुपाल्चोकको जुगल गाउँपालिका स्थित याम्बालिङ् खोलामा ७.२७ मेगावाट विद्युत उत्पादन हुने भएको छ ।   २ वर्ष भित्र पुरा गर्ने

गौतमबुद्ध विमानस्थलको सञ्चालनको जिम्मा निजी क्षेत्रलाईः मन्त्री अधिकारी

लुम्बिनी, ९ जेठ । संस्कृति, पर्यटन तथा नागरिक उड्डयनमन्त्री रवीन्द्रप्रसाद अधिकारीले गौतमबुद्ध अन्तर्राष्ट्रिय विमानस्थलको निर्माण कार्य सम्पन्न