‘निशान हत्याको कारण अर्कै हुनसक्छ’

काठमाडौं,२३ साउन । ११ वर्षिय बालक निशान खड्काको अपहरणपछि हत्या भएको घटनामा एक पूर्व प्रहरी अधिकारीले निशानको हत्याको कारण फिरौती मात्र हुन नसक्ने फरक प्रतिक्रिया दिएका छन् ।

पूर्व डिआइजी हेमन्त मल्ल ठकुरीले द हिमालयन टाइम्ससँग कुरा गर्दै भनेका छन्, ‘पीडित परिवारले गुजाराको लागि सानो खाजा घर चलाएको अवस्थामा उनिहरुले त्यत्रो पैसा फिरौती दिन समर्थ हुनसक्ने आधार देखिँदैन । अपहरणकारीहरुको पीडितसँग ३ वर्षदेखिको सम्बन्ध भएकोले यो कुरा उनिहरुलाई थाहा हुनुपर्ने हो । सोही कारण पनि फिरौती लिने उद्देश्यले मात्र यो घटना नभएको हुन सक्छ । यो घटनामा थप अनुसन्धान भएपछि अरु सत्य तथ्य बाहिर आउला । ’ 

गत आइतबार काँडाघारी बस्ने ११ वर्षिय निशान खड्कालाई २२ वर्षिय गोपाल तामाङ र २३ वर्षिय अजय तामाङले अपहरण गरि हत्या गरेका थिए । 
निशानलाई अपहरणकारीले साँझमा लिएर गएको उनकी आमा चमेलीले बताएकी थिइन् । अपहरणकारीले निशानलाई १२ बजे अघि नै हत्या हिलो जमिनमा गाडेको कुरा प्रारम्भिक अनुसन्धानमा देखिएको छ । 

यो अपहरणको घटना हत्याकै उद्देश्यले भएको अनुमान गर्ने पूर्व डिआईजी ठकुरी भन्छन्, ‘फिरौती लिनको लागि नै बालकको अपहरण गरेको भए पैसा नपाउन्जेल उक्त बालकलाई जिउँदै राख्नु पर्ने हो । तर यस घटनामा अपहरणकारी र सम्बन्धीत परिवारबीच फिरौतीको डिल निष्कर्षमा पुग्नु अघि नै बालकको हत्या भएको छ । ’

ठकुरीका अनुसार प्रहरी यस घटनामा गम्भीर रुपमा लागेपनि बालकलाई जीवितै उद्धार गर्न नसकेको पनि बताए । उनले यस्ता घटनामा अपहरितको सुरक्षा प्राथमिकतामा पर्ने र अपराधीलाई समात्ने कार्य त्यसपछि आउने पनि बताए ।

प्रहरीले अपहरणकारीलाई एसएमएस मार्फत् थर्काएको घटनालाई लक्षित गर्दै ठकुरी भन्छन्, ‘कुनै पनि अपहरणको घटना प्रहरीकोमा आएपछि, प्रहरी परिचालन गुप्त रुपमा हुनुपर्ने र यसको जानकारी अपराधीसम्म पुग्न हुँदैन । साथै पीडित परिवारलाई पनि यसको जानकारी दिनुहुँदैन । यसरी पीडित परिवारले थाहा पाएका कुरा चुहिएर अपहरणकारीले थाहा पाउने सम्भावना हुन्छ । ’ 

प्रहरीले हालसम्म विज्ञप्ती मार्फत् बालकलाई बचाउन नसकिएको र मुठभेडमा अपहरणकारी मारिएको बताए पनि उक्त घटनाको औपचारिक रिपोर्ट सार्वजनिक गरेको छैन ।
 

 चिकित्सकको चेतावनीबाट सरकार पछि हट्यो

काठमाडौँ, ३१ साउन । सरकारले  चिकित्सकहरुको चेतावनीपछि एक कदम पछि हट्दै भदौ १ गतेदेखि लागू हुन थालेको मुलुकी अपराध (सहिंता) ऐन २०७४ मा चिकित्सकको दण्ड

 मनाङ सडक तीन ठाउँमा अवरुद्ध

मनाङ, ३१ साउन ।  हिमालपारीको जिल्ला मनाङ सडक खण्ड तीन ठाउँमा अवरुद्ध भएको छ । बाढी र पहिरोका कारण तीन ठाउँमा सडक अवरुद्ध भएपछि यात्रुहरू समस्यामा

 दुर्घटनामा धेरै दुइपाङ्ग्रे चालकको मृत्यु

काठमाडौँ, ३१ साउन । काठमाडौँ उपत्यकामा सवारी साधनको दुर्घटनामध्ये मोटरसाइकल र स्कुटर चालकको धेरै ज्यान जाने गरेको छ । महानगरीय ट्राफिक प्रहरी

बिम्स्टेकको सम्पूर्ण तयारी  पूरा गर्न प्रधानमन्त्रीको निर्देशन

काठमाडौँ, ३१ साउन । प्रधानमन्त्री केपी शर्मा ओलीले बहुक्षेत्रीय प्राविधिक तथा आर्थिक सहयोगका लागि बंगालको खाडीको प्रयास (बिम्स्टेक) शिखर