मन्त्री परिषद्को निर्णयबाट ‘रंगिला’ भारत पठाइयो


काठमाडौं, २७ असार ।  ७ महिनाअघि भारतबाट उतैका तस्करले नेपाल ल्याएकोे रंगिला नाम गरेको ‘नाच्ने भालु’ मन्त्री परिषद्को निर्णयपछि  फर्काइएको छ ।

१९ वर्षिय उक्त अल्छी जातको भालुलाई तस्करी गरेर नेपाल ल्याएको थाहा भएपछि भारतमै फर्काउन त्यहाँको वाइल्डलाइफ एसओस र नेपालको जेन गुडअल इन्स्टीच्युटले संयुक्त प्रयास गरेको कुरा भारतीय पत्रिका द हिन्दुले लेखेको छ ।

पछिल्लो ७ महिनादेखि गरिएको कागजी प्रक्रियालाई अन्ततः नेपाल सरकारको मन्त्री परिषद्को निर्णयले स्वीकृती दिएपछि उतै फर्काइएको छ ।
७ महिना अघि तस्करले २ वटा भालु नेपाल–भारतको सिमाना राखेको खबर पाएसँगै वाइल्डलाइफ एसओएसले तस्करलाई पछ्याएपनि ती भालुसहित तस्कर नेपाल छिरेपछि भारतीय अधिकारीहरुले भालु नियन्त्रणमा लिन नेपालको सुरक्षाकर्मीको सहयोग मागेका थिए ।

नेपाली सुरक्षाकर्मीले २ जना तस्कर सहित २ वटा भालु बरामद गरेर सदर चिडियाखाना, जावलाखेलमा राखेपनि अर्को श्रीदेवी नाम गरेको १७ वर्षिय भालुको मृत्यु भएको थियो । तस्करहरुले ती भालुलाई नचाएर पैसा संकलन गर्ने कार्यमा प्रयोग गर्ने गरेका थिए ।

रंगिलालाई भारत लैजाने अनुमति पाएसँगै वाइल्डलाइफ एसओएसका प्रतिनिधिले सदर चिडियाखानाबाट आग्रास्थित भालु उद्धार केन्द्रमा लगेको छ । उक्त केन्द्रमा भालुको लागि चाहिने सबै आवश्यक पूर्वाधार रहेको कुरा पनि उक्त पत्रिकाले लेखेको छ ।  

सदर चिडियाखनाका परियोजना व्यवस्थापक चिरन्जीवी प्रसाद पोखेरेलले द हिन्दुसँग कुरा गर्दै उक्त भालुलाई फर्काउने काममा सहयोग गर्न पाएकोमा खुशी लागेको बताएका छन् । यो जातको भालु भारतीय उपमहाद्वीपमा मात्र पाइने तथा लोपोन्मुख प्रजातीको जनावर हो ।

भारतीय अधिकारीहरुलाई नेपालबाट यस्ता खतरामा परेका दुर्लभ जनावर तथा भारतमा अपराध गरि भागेका अपराधी सजिलै भारत फर्काउन नेपालले सहयोग गर्ने गरेको छ भने भारतले सहयोग गर्नुपर्ने समयमा सधैं जसो विभिन्न बहानामा नेपाली अधिकारीहरुलाई दुःख दिइ असहयोग गर्ने गरेको विगत्मा धेरै पटक सार्वजनिक भैसकेको छ ।

 

राउटेले पाए परिचयपत्र

  सुर्खेत, ३१ असार । पश्चिम नेपालमा फिरन्ते जीवन बिताउँदै आएको राउटे समुदायलाई पहिलो पटक स्थायी परिचयपत्र प्रदान गरिएको छ । कर्णालीप्रदेश

सर्पको टोकाइबाट मृत्यु

सुरुङ्गा, झापा ३१ असार । विषालु सर्पको डसाइबाट आज झापामा एक जनाको मृत्यु भएको छ । मृत्यु हुनेमा बिर्तामोड नगरपालिका– ६ बुट्टाबारी निवासी ४५ वर्षीय

सर्पको डसाइबाट मृत्यु

सुरुङ्गा, झापा ३१ असार । विषालु सर्पको डसाइबाट आज झापामा एक जनाको मृत्यु भएको छ । मृत्यु हुनेमा बिर्तामोड नगरपालिका– ६ बुट्टाबारी निवासी ४५ वर्षीय

सर्पको डसाइबाट मृत्यु

सुरुङ्गा, झापा ३१ असार । विषालु सर्पको डसाइबाट आज झापामा एक जनाको मृत्यु भएको छ । मृत्यु हुनेमा बिर्तामोड नगरपालिका– ६ बुट्टाबारी निवासी ४५ वर्षीय