सन्दीपको बलिङ फिगर ४–१–१६–१ सहित टाइगर्सको पहिलो जित



काठमाडौं, २० असार । क्यानडाको घरेलु लिग ग्लोबल टि–२० क्यानडामा सन्दीपले मन्ट्रीयल टाइगर्सको लागि खेल्दै शानदार बलिङ गरेका छन् । यो सँगै उनको टोलीले एडमन्डन रोयल्सलाई १५ रनले हराएको छ ।

टस हारेर पहिले ब्याटिङ गरेको मन्ट्रीयल टाइगर्सले निर्धारित २० ओभरमा ६ विकेट गुमाउँदै १ सय २९ रन बनाएको छ । टाइगर्सका लागि मोइजेज हेन्रीकेले ४९ बलमा ५० रन बनाएका छन् । त्यस्तै नजिबुल्लाह जद्रान, सिकन्दर राजा र इब्राहिम खलिलले क्रमश २२, २० र १० रन बनाएका छन् ।

बलिङ तर्फ रोयल्सका वायेन पार्नेलले ३ विकेट लिएका छन् । त्यस्तै शोहेल तन्वीर, इर्फान खान र हसन खानले समान १–१ विकेट लिएका छन् ।

१३० रनको लक्ष्य पछ्याएको रोयल्सले १९.१ ओभरमा सबै विकेट गुमाउँदै १ सय १४ रन मात्र बनाउन सक्यो । रोयल्सको लागि लुक रोन्कीले सर्वाधिक ३० रन बनाएका छन् । त्यस्तै शइमान अनवर, केभिन ओब्रायन, हसन खान र आघा सल्मानले क्रमशः २४, १५, १२ र १० रन बनाएका छन् ।

बलिङ तर्फ टाइगर्सका पिटर सिडलले ४ विकेट लिएका छन् । त्यस्तै लासिथ मालिङ्गार केभोन कुपरले २÷२ र सुनिल नाराइन र सन्दीपले समान १ विकेट लिएका छन् ।

खेलको तेश्रो ओभरमा बलिङ गर्न आएका सन्दीपले पुनः यस खेलमा पनि शानदार सुरुवात गरेका छन् । पहिलो ओभरमा कुनै रन नदिइ एन्ड्रयु फ्लेचरको विकेट लिएका सन्दीपले टाइगर्सलाई राम्रो सुरुवात दिलाएका थिए ।

त्यस्तै इनिङको पाँचौ ओभर बलिङ गरेको उनले ५ रन मात्र दिएका थिए । नवौं ओभरमा बलिङ गर्ने क्रममा उनले ७ रन दिएपनि १२ औं ओभरमा ४ रनमात्र दिएका थिए । थप विकेट लिन नसकेपनि उनको स्पीन र गुगली खेल्न ब्याटसम्यानलाई हम्मे हम्मे परेको थियो ।

उनले बलिङ गरेको २४ बलमा १४ बलमा कुनै रन बनेन । ४ ओभरमा १६ रन दिंदै एक विकेट लिएका सन्दीपको यो बलिङ फिगर टि–२० खेलको लागि उत्कृष्ट हो । नियमित टोलीमा परिरहेका सन्दीपको व्यक्तिगत प्रदर्शन यस प्रतियोगितामा राम्रो भइरहेको छ । पहिलो खेलमा फितलो बलिङ गरेपनि पछिल्लो २ खेलमा उनले शानदार बलिङ गरेका छन् ।

यो सँगै लगातार ३ खेल हरेर प्रतियोगितामा पहिलो जित हात पारेको मन्ट्रीयल टाइगर्सको फाइनल पुग्ने सम्भावना जिवित रहेको छ ।

 

फ्रान्स र क्रोएसियाका फुटबल खेलाडीलाई सर्वोच्च सम्मान र स्वागत

पेरिस । रुसको मस्कोमा भएको विश्वकप फुटबल प्रतियोगिताको विजेता फ्रान्सका फुटबल टोलीलाई देशकै सर्वोच्च सम्मान ‘लिजन दि अनर’ प्रदान गरिने भएको छ

एमसीसी र नेदरल्याण्ड्ससँग खेल्न १५ क्रिकेटर छनौट

काठमाडौं, १ साउन । साउन १३ देखि सुरु हुने टि–२० तथा एकदिवसिय सिरिजको लागि पारस खड्काको कप्तानीमा १५ सदस्यीय खेलाडि छनौट गरिएको छ । नेपालले टि–२०

 विश्वकप विजेता फ्रान्सलाई स्वदेशमा भव्य स्वागतको तयारी

मस्को, ३२ असार । रुसको मस्कोमा भएको फिफा विश्वकप फुटबल प्रतियोगिताको विजेता फ्रान्सको फूटबल टोलीलाई स्वदेशमा भव्य स्वागतको तयारी भएको छ ।  फूटबल

नेपाली खेलाडी टोली थाइल्यान्डमा 

काठमाडौँ, ३२ असार । थाइल्यान्ड ओपन कराते च्याम्पियनसिपमा सहभागी हुन १९ खेलाडीसहित ४७ सदस्यीय नेपाली टोली आज थाइल्यान्डको राजधानी बैंकक प्रस्थान